Бизарната трансформација на Кети Прајс: По 16 операции, ќе ги намалува градите, откако откри дека банкротира

Детали

вторник, 23 април 2024

Поранешниот модел Кети Прајс изјави дека по 16 операции за зголемување, сега ќе ги намалува градите. Во меѓувреме, таа вторпат банкротира и сега би можела да ја загуби нејзината куќа.

Кон крајот на 1990-тите и почетокот на 2000-тите, Кети Прајс беше еден од најпопуларните британски модели.

Се проба и како водителка и пејачка, а учествуваше и во некои британски реални шоуа, па успеа брзо да се пробие во родната Англија.

Но, сега 45-годишната Кети е непрепознатлива од бројните пластични операции, а минатиот месец откри дека банкротирала, и тоа вторпат.

Покрај многуте корекции на лицето, Кети има направено дури 16 операции на градите.

Пред околу една година, Кети изјави дека сака да ги има најголемите гради во Англија, по што ја направи 16-тата операција за зголемување.

На социјалните мрежи, бројни фанови ја предупредуваа дека си го ризикува здравјето за бизарна цел, а многумина и ја исмејуваа за изгледот.

И, ова ја натерало да направи уште една операција на градите, но овој пат за да ги намали.

„Ќе ги смалам градите и ќе бидам здрава како порано. Се хранам здраво и нема да ставам ништо лошо во моето тело.

Одлучив да ги намалам градите бидејќи навистина прават да изгледам поголемо и веќе разговарав со хирургот“, вели поранешниот модел за The Sun.

Пред некоја година, Кети изјави дека направила липосукција на целото тело, корекција на очите и усните, како и липосукција на подбрадокот.

Истовремено, направила лифтинг на задникот и откри дека се чувствувала како чудовиште од многуте операции.

Но, и покрај ова, таа не престана со операциите.

Откако, пак, ја направи последната операција на градите, во забавен парк не ѝ било дозволено да се качи на ролеркостер бидејќи не можеле да ѝ го врзат безбедносниот појас.

Кети не е критикувана само од јавноста, туку и од мајка ѝ.

„Ако ме прашувате мене, нејзините гади изгледаат смешно. Не сакам да прави никакви операции и дури и јас ѝ откажав неколку.

Но, оттогаш не ми кажува кога планира да се оперира“, изјави мајка ѝ Ејми во интервју.

Кети Прајс пред пластичните операции

Според неа, Кети има телесна дисморфија, односно психичко нарушување поради кое постојано е загрижена за изгледот на телото и постојано сака да промени нешто.

Истовремено, Кети моментално се соочува и со банкрот бидејќи немала платено даноци во вредност од над 750.000 евра.

И, ова не е првпат да банкротира.

Во 2019-та, таа откри дека имала долг од над 3 милиони евра и прогласи банкрот. Тој период Кети имаше компанија за парфеми и козметика која пропадна.

Овој пат, Кети би можела да ја изгуби нејзината куќа, а наводно не се појавила на суд во врска со неплатените даноци.

Повеќ ефотки од Кети Прајс на следната страница...