Ноктите на Адријана Лима хит на социјалните мрежи: „За ваков маникир се оди во затвор“

Детали

петок, 08 март 2024

„Кој ги правел ноктите на Адријана Лима?“ – прашуваат твитерџиите откако таа објави фотка со ужасно дебели нокти во металик нијанса, па и напиша дека е вљубена во нив. Се надеваме дека со ќерките си играле маникир, а ова не е дело на професионалец...

Адријана Лима со месеци наназад беше топ тема во светските медиуми затоа што по третата бременост тешко се враќаше во форма, а потоа ја критикуваа и за естетските корекции на лицето.

Сега се чини дека ниту нејзините нокти не им се допаѓаат на твитерџиите.

Андријана пред неколку дена на Инстаграм Стори објави фотографија од нејзиниот нов маникир, на која напиша:

„Вљубена сум во моите нокти“.

Но, како што можете да видите од фотографијата, ноктите воопшто не изгледаат професионално направени, па заради тоа, убавата манекенка се соочи со критики и коментари на социјалните мрежи.

Проследете некои од најзабавните твитови во продолжение:

„Мислев дека мене ми е лошо, а потоа ја видов фотографијата од ноктите на Адријана Лима. Девојко, ти си Бразилка, ние имаме перфектни маникири, каде ти е стандардот за квалитет?“ – прашува една жена на Твитер.

„Ноктите ѝ изгледаат како да залепила стаклени мониста на нив“

„Жалам, но што е ова? Кој ги правел ноктите на Адријана Лима? Па ова е скандал. Тоа не се нокти, туку цели сфери...“

„Сигурно во САД прават најлош маникир во светот“

„Тој што ѝ ги направил вакви ноктите треба да оди во затвор“

Б. С. Б. | Црнобело