Тори Спелинг на „работ од сиромаштија“ среде развод - Порасна во палата со 123 соби, сега оди во евтини мотели

Детали

вторник, 11 јули 2023

Тори Спелинг, чиј татко имаше богатство од 600 милиони долари, порасна во раскош, но сега отседнува во евтини мотели. Ѕвездата од Beverly Hills беше отсечена од семејното богатство поради лошите навики за трошење, а сега се раздели и од сопругот, наводно поради финансиските проблеми и нејзините нереални барања.

Тори Спелинг, која порасна во раскош, периодов се соочува со финансиски проблеми и неодамна беше забележана со петте деца во евтин мотел.

Актерката која се прослави со серијата Beverly Hills е ќерка на познатиот американски продуцент Арон Спелинг, чие богатство пред смртта се проценуваше на околу 600 милиони долари.

Од ова, Тори наследи само 800.000 долари, а се чини дека периодов не ѝ оди најдобро.

50-годишната Тори викендов беше забележана во мотел во Лос Анџелес со нејзините деца. Според Daily Mail, една ноќ во мотелот чини 100 долари.

Неодамна актерката откри и дека морале да се иселат од домот бидејќи имале сериозни проблеми со мувла.

За споредба, Тори порасна во огромната куќа што ја изгради татко ѝ. Раскошниот дом, кој повеќе наликува на палата, има 123 соби, вклучувајќи 27 бањи и 14 спални соби.

Во 2022-ра, куќата се продаваше за 160 милиони долари.

Продолжува на следната страница...