Скиентолог е, црквата му помагала да ги прикрие силувањата – Што знаеме за ѕвездата од That ’70s Show која може да добие доживотна казна затвор?

Очекувано, актерот се бранеше:

„Од првиот ден ги негирам обвиненијата против мене. Надлежните ги истражија овие тврдења уште пред 15 години и открија дека се лажни. Никогаш не сум бил обвинет за криминал, уште помалку осуден.

Во оваа држава сите сме невини додека не се докаже нашата вина. Сепак, во сегашната околина се чини дека ве прогласуваат за виновен уште во моментот кога ќе ве обвинат за нешто“, изјави тој за US Weekly.

Додека полицијата го истражувала случајот, четири од жените веќе поднеле тужба против него.

Во август 2019-та, жртвите излегоа во јавност со нови тврдења.

Имено, лидерот на скиентолошката црква, Дејвид Мискевиџ, почнал да ги уценува – најмил луѓе да ги следат, им ја нарушувал приватноста и им се заканувал дека ќе им наштети ако продолжат со битката против Дени.

Во 2020-та, Дени беше осуден за три случаи на силување. За останатите два, судиите немале доволно докази.

Тој беше уапсен на 17-ти јуни, но беше ослободен истиот ден со кауција од неверојатни 3,3 милиони долари.

Сепак, ова не значи дека беше ослободен.

Дени требаше да одговара за силувањето на 23-годишна жена во 2001-ва, 28-годишна жена во 2003-та и уште една 23-годишна жена во 2003-та.

Судењето траеше неколку години, со бројни сослушувања на сведоци, вклучувајќи ги и трауматичните сведоштва на жртвите.

Според една од жртвите, таа дури и изгубила свест додека актерот ја силувал. А, кога се разбудила, тој уште бил врз неа.

Конечно, во мај 2023-та, Дени беше прогласен за виновен за силувањето на две од жртвите. Во август годинава, закажано е уште едно судење за третиот случај.

Засега не му е изречена казна на актерот, но најверојатно ќе добие од 30 години до доживотна казна затвор.

Спирова С. | Црнобело