„Сè што ми треба е твојата среќа“ - Шакира во емотивно видео пее заедно со синовите, тие ѝ се лек за болката од Пике

Детали

вторник, 16 мај 2023

„Сè што сакам е твојата среќа и да бидам со тебе. Твојата насмевка е моја слабост. Љубовта кон тебе ми служи како аналгетик за болката, прави да се чувствувам подобро...“, пее Шакира за синовите, по болната разделба со Жерар Пике, кој продолжи понатаму со друга жена.

Шакира ја објави новата песна „Acrostico“ во која пее заедно со своите синови и која е нејзиното најемотивно дело досега.

Таа на својот Инстаграм профил откри дека синовите Милан (10) и Саша (8) сами побарале да бидат дел од оваа композиција.

Песната им е посветена на нив, а изведбата најверојатно и вас ќе ве доведе до бура од емоции.

Шакира е пресреќна што тие ја наследиле љубовта кон музиката од неа.

Нејзината објава на Инстаграм гласи:

„Оваа година Милан напиша песни кои ме натераа да плачам од емоции и Саша мина часови и часови на пијано, откривајќи го својот глас.

Двајцата минуваа време со мене во студиото и откако ја слушнаа оваа песна, посветена на нив, ме прашаа дали може да бидат дел од неа.
Тие ја почувствуваа и ја изведоа самите за себе, со страст и емоции само на луѓе кои ја носат музиката во себе.

Милан и Саша, толку е убаво да видам како ги шират своите крилја за да почнат да ги реализираат нивните соништа.
Нема ништо што ме прави посреќна од тоа да бидам нивна мајка“.

View this post on Instagram

A post shared by Shakira (@shakira)

Шакира во оваа песна пее:

„Сè што сакам е твојата среќа и да бидам со тебе. Твојата насмевка е моја слабост. Љубовта кон тебе ми служи како аналгетик за болката, прави да се чувствувам подобро. Тука сум за сè што ти е потребно и знам дека ти дојде за да го комплетираш тоа што сум јас“.

Спотот за новата песна:

С. С. | Црнобело