Се омажила на 21 година, со сопругот криеле дека се заедно – Факти за Јулија Санина, украинската водителка на Евровизија 2023

Тие двајца се запознале кога таа, како студентка, отишла на разговор со Валериј, кој во тоа време работел како музички продуцент. Меѓу нив брзо се развиле емоции и за 6 месеци почнале да живеат заедно.

Во 2015-та година, Јулија и Валериј го добиле синот Данило, што за нив бил мошне тежок период. Јулија вели дека најтешко ѝ паѓало тоа што истовремено требало да биде мајка и фронтмен на бендот, па да се докаже и како сопруга, но и како партнер во кариерата.

„Сè зависи од нашата врска: бендот, домот, семејството, па затоа прво на тоа работиме“ – рече таа.

Инаку, Јулија откри дека е мошне љубоморна и дека ѝ пречи кога сопругот го прогонуваат обожавателки. Но, вели дека е свесна дека не смее да го загуби, па се труди да биде колку е можно подобра со него.

Во една прилика таа откри дека со сопругот многу повеќе се карале на почетокот од врската, а дека сега им е многу полесно.

„Верувам дека кога луѓето поминуваат повеќе време заедно, многу помалку се расправаат“.

Б. С. Б. | Црнобело