Се омажила на 21 година, со сопругот криеле дека се заедно – Факти за Јулија Санина, украинската водителка на Евровизија 2023

Детали

сабота, 13 мај 2023

Признава дека е мошне љубоморна кога обожавателки му праќаат пораки на сопругот, на 21 се омажила за гитаристот на нејзиниот рок бенд The Hardkiss, а на 25 години станала мајка. Што знаеме за Јулија Санина, украинската водителка на Евровизија 2023?

Минатата година, победник на Евровизија беше Украина, но заради војната, музичкиот натпревар годинава се одржува во Англија, односно во Ливерпул.

Сепак, во организацијата на Евровизија 2023, Британците вклучија голем број детали што треба да го симболизираат минатогодишниот победник, а во таа насока е и изборот на водителките годинава: две се од Англија, а една е од Украина.

Честа да ја претставува својата земја на Евровизија ѝ припадна на Јулија Санина, позната украинска рок пејачка, текстописец и фронтмен на украинскиот бенд The Hardkiss.

Инаку, Јулија била во украинскиот избор за песна претставник на Евровизија во 2016-та година. Нејзиниот бенд The Hardkiss го освоил второто место на домашниот избор, но таа година Џамала беше избрана да ја претставува земјата на Евровизија и однесе победа.

Годинава, Јулија ја имаше честа да ја отвори Евровизија со моќен настап, придружувана од танчари, а на сцената доминираа сината и жолтата боја, односно боите на земјата од која доаѓа.

Julia Sanina is owning the #Eurovision2023 stage! 💥 Sadly you can't vote for Julia Sanina at #Eurovision2023 tonight! 😅 pic.twitter.com/TVnfLWh1CR

— BBC Eurovision (@bbceurovision) May 9, 2023

Во продолжение, неколку интересни факти за Јулија, што можеби не сте ги знаеле:

Јулија е родена во 1990-та година во Киев во музичко семејство. На 3-годишна возраст почнала дa настапува на сцена заедно со ансамблот на нејзиниот татко. Потоа како дете имала поголем број настапи – соло и како дел од џез група.

Таа завршила филолошки факултет и магистрирала фолклор во 2013-та година, а вели дека додека студирала, мошне ја интересирало и новинарството.

Од 2006-та до 2008-ма година била фронтмен на групата Sister Siren, а од 2011-та година со Валериј Бебко го креирале поп-дуото Val & Sanina. Набрзо таа и Валери одлучиле да ги променат музичкиот правец и имиџот, но и почнале да пеат на англиски јазик, па така настанала рок-групата The Hardkiss.

Освен што работат долги години заедно, Јулија и Валериј се 13 години во брак. Интересно е тоа што тие долго време ја криеле нивната врска во тајност, а дека се заедно се дознало дури откако стапиле во брак во 2011-та година.

Продолжува на следната страница...