Се скарала со Бен Афлек затоа што бил во стриптиз клуб, била на ин витро оплодување – Гласини за Џеј Ло што се покажаа како точни

Детали

сабота, 22 април 2023

Пред да остане бремена, медиумите шпекулираа дека ја променила исхраната, додека беше во врска со Алекс Родригез имаше написи дека го изневерила со некој од минатото – Прочитајте кои гласини за Џеј Ло се покажале како точни низ годините.

Џеј Ло е доказ дека животот на славните воопшто не е лесен, затоа што постојано мора да се справуваат со големиот број невистини и лаги што се шират за нив, но имало случаи и кога шпекулациите во медиумите излегле вистинити.

Таа во една прилика рече дека редовно следи сè што се пишува за неа во медиумите, а сама се насмеала на некои од креативните написи што ги имало за неа.

Џеј Ло откри дека најмногу ја насмеале тврдењата дека пејачката го осигурала задникот на вртоглава сума, па дури и со нејзиниот ПР тим се потрудиле да го најдат изворот и откриле дека приказната потекнува од Лондон.

Уште една таква лага се поврзува со нејзините специјални потреби, што наводно таа ги барала каде и да оди:

„Имаше гласини дека сум барала бели цвеќиња и бели чаршафи каде и да одам и дека сè треба да биде бело за јас да влезам во некоја соба и тоа апсолутно е неточно“ – откри во 2009-та Џеј Ло.

Како и да е, имало моменти кога медиумите почнале да шират гласини за неа, што потоа се покажало дека се точни.

Погледнете дел од нив во продолжение:

Белите гулаби на Пи Диди

Во 2000-тата година Џеј Ло беше во врска со Пи Диди, а таа самата потврди дека тоа ѝ било првпат да биде во врска со некој што ја изневерува, па затоа и романсата не траеше долго.

Нивната врска беше топ тема во медиумите и во една прилика се појавија текстови дека пејачот за да ѝ се извини пуштил бели гулаби под нејзиниот балкон и барал од неа да се смират.

Џеј Ло не само што потврди дека ова навистина се случило, туку откри и дека целата сцена немала среќен крај …

„Во тоа време до мене живееше Хали Бери и неколку од гулабите не преживеаја заради нејзините кучиња…

Тоа беше навистина лоша ситуација. Хали беше лута затоа што има гулаби во нејзиниот двор“ – рече таа.

Романтичниот гест на Пи Диди не поминал во најдобар ред, а тие двајца не се помириле, но факт е дека гласините за кои се пишувало биле точни.

Раскинале со Бен Афлек затоа што тој бил во стриптиз клуб

Откако ја обновија врската Џеј Ло и Бен Афлек постојано нагласуваат дека се разделиле затоа што не можеле да го поднесат притисокот од медиумите, но постои уште една малку подзаборавена верзија на настаните, која Џеј Ло потврдила дека е точна во минатото.

Имено, дел од медиумите во периодот по нивното раскинување пишуваа дека парот се разделил затоа што Бен Афлек отишол да се забавува во стриптиз бар во Ванкувер, по што следела расправија.

Џеј Ло потоа потврди дека гласините за Бен се точни, но дека таа знаела дека тој ќе оди таму и не ѝ било проблем.

„Тоа што го напишаа не е тоа што се случи, па затоа и не е важно“ – рече своевремено Џеј Ло.

Џеј Ло му ги врати скапите подароци на Бен по раскинувањето

Скапи автомобили, накит, јо-јо што свети, веренички прстен од 2,5 милиони долари… Ова се само некои од скапите подароци што Џеј Ло ги доби од Бен Афлек додека беа во врска на почетокот на 2000-тите години.

По раскинувањето, дел од медиумите пишуваа дека Џеј Ло ги вратила автомобилите во салоните од каде што биле купени затоа што била скршена од болка по завршувањето на врската.

Џеј Ло во едно гостување потврди дека ги вратила автомобилите и накитот, но никој не знае што се случило со скапиот свршенички прстен, ниту пак со јо-јото што ѝ беше многу драго.

Продолжува на следната страница...