Со сестра му Џулија Робертс не зборувал со години, игра во „Јужни ветар“ – Факти за познатиот холивудски актер Ерик Робертс

Детали

среда, 22 март 2023

Се откажал од опојните супстанци затоа што сопругата му се заканила дека ќе го остави. Вели дека благодарение на него Џулија Робертс стана славна, а тие двајца не зборувале повеќе од 10 години – Што знаеме за Ерик Робертс, братот на славната актерка, кој игра и во новата сезона на „Јужни ветар“?

Во моментов во Србија се емитуваат новите епизоди од третата сезона на мега-популарната серија „Јужни ветар“ во која главните улоги ги толкуваат Милош Биковиќ и Миодраг Радоњиќ, а оваа сезона е засилена и со холивудски актери, но и актери од Русија.

Меѓу холивудските актери е и братот на Џулија Робертс, Ерик Робертс, кој ја толкува улогата на Џон Бредли.

Српските медиуми пишуваат дека холивудските актери Ерик Робертс и Вилијам Болдвин одлучиле да дојдат да снимаат во Србија затоа што Биковиќ играл во серијата, а Вилијам веќе еднаш работел со познатиот српски актер и одлучил да продолжат да соработуваат.

Ерик рече дека дошол во Србија затоа што никогаш претходно не бил во таа земја и затоа што му се допаднала улогата.

Во продолжение неколку интересни факти за Ерик што можеби не сте ги знаеле:

Ерик Робертс е познат холивудски актер и брат на познатата актерка Џулија Робертс. Тој е роден во 1956-та година во Билокси Мисисипи, а неговите родители биле актери и пишувале драмски текстови кои воделе свое училиште за актерска игра.

Ерик како дете пелтечел, но неговите родители забележале дека нема проблем со говорот само додека игра на сцена и така тој почнал редовно да посетува часови во училиштето на неговите родители, како еден вид терапија.

Особено тешко му паднал разводот на неговите родители во 1972-ра година. Тој одлучил да остане со татко му, по што односот со мајка му и со сестрите ќе се влоши. Не му се допаѓал очувот и во тој период почнал да развива зависности од алкохол и опојни супстанци.

Студирал во Лондон и Њујорк, а се појавува и во повеќе театарски претстави. Во 1978-ма година се појави во филмот King of Gypsies, што воедно е негова прва улога, која веднаш му донела номинација за „Златен глобус“.

Во 1981-ва година имал страшна сообраќајна несреќа по која 3 дена бил во кома. По ова поминал 1 месец во болница, имал сериозно оштетување на мозокот, скршеници, но и повреди на лицето, заради што ликот целосно му се променил.

По сообраќајната несреќа морал да учи да зборува и да оди повторно, а вели дека сѐ уште има проблеми со краткотрајната меморија, како последица на повредата на мозокот.

Продолжува на следната страница...