Убавите работи започнуваат со Гранд кафе

Детали

петок, 05 февруари 2021

За љубителите на кафе, секое утро започнува со онаа прва, топла голтка домашно кафе која ја пиеме веднаш по станувањето од кревет, која нѐ буди и претставува своевиден старт на денот. Таа ни дава сигнал дека денот е започнат и не подготвува за бројните предизвици кои нѐ очекуваат секојдневно.

Меѓутоа, кафето е многу повеќе од само пијалак за будење и расонување. Долгогодишната традиција на пиење кафе, особено на овие простори, направи домашното кафе денеска да има статус на пијалак кој зближува, поврзува и претставува вистински иницијатор на долги и пријатни разговори. Кафето е повод, причина и неизоставен дел од секој ден со кој започнуваат мал милион приказни, а секоја од нив игра голема улога во создавањето на нашата животна слика.

Кога сакаме да се видиме со некого, најчесто велиме „Ајде на кафе!“, како тоа да е официјалниот код за почеток на дружба и разговор. Во такви случаи, иако кафето е само придружник, сепак не може да биде изоставено бидејќи тоа е на некој начин изговор за почеток на овој разговор. Кога некој навистина ни се допаѓа, се двоумиме како да му пристапиме, па неретко ја употребуваме фразата „Да одиме на кафе?“, како безбедна опција во случај на непосакуван или негативен одговор на прашањето кое вистински сакаме да го прашаме. Дури и тогаш, кафето испишува почеток на уште една животна авантура.

Луѓето на овие простори имаат посебна поврзаност со луѓето со кои работат и се обидуваат времето поминато со нив да го направат што е можно попријатно. Затоа, навика на многумина е првото кафе да го испијат на работа, заедно со колегите. На тој начин, првата голтка кафе потсвесно му соопштува на телото дека работниот ден започнува и го подготвува за предизвиците и обврските кои следуваат. Пријателски споделеното кафе наутро со колегите претставува и повик за зближување и солидарност, а во текот на денот паузите и собирањето околу кафето ни помагаат полесно да ги завршиме сите работни обврски.

Во каква атмосфера и во било кое време и да го пиеме кафето, тоа претставува почеток на нешто ново - нов ден, нови познанства, нови авантури.

И токму затоа тука е Гранд кафе - да ве разбуди наутро, да ве спои со љубените и најблиските, да ве мотивира да ги завршите обврските и ќе ви помогне да се смирите во моментите кога ви е потребна оддишка. Препознатливата арома и моќниот, интензивен вкус на Гранд кафе ќе ги разиграат вашите сетила и ќе ви го изострат умот, но и ќе ве спојат со блиските и луѓето кои ви значат. А сега, време е за уште една шолја Гранд кафе и уште еден нов почеток. И мирис и вкус - Гранд кафе!