Реномираниот натпревар Performer Cup за првпат во Македонија во Национална Опера и Балет

Детали

петок, 12 мај 2023

На 4ти јуни, во просториите на Националната Опера и Балет за прв пат во Македонија ќе се одржи светски реномираниот натпревар за сценски изведувачи PERFORMER CUP, посветен на сценските уметности: глума, пеење, танц, уметничка гимнастика, акробатика, жонглирање, илузионизам.

Првиот и единствен по својот вид уметнички шампионат кој ги отвора вратите кон светските сцени се раѓа како идеја на првата Интернационална Федерација за Сценски уметности F.I.P.A.S.S. основана во 2017 година во Италија, а е во продукција на светски реномираната компанија „Metodo Pass“ која го застапува терминот - сценски изведувач и има за цел да креира мобилни можности за изведувачите, вмрежувајќи ги истовремено во светската едукација и практика.

Натпреварот ќе се одржи во два дела: Performer Cup Macedonia Pass за македонските учесници и Performer Cup Balkans Pass, за најдобрите претставници/финалисти од регионот кои во првото гала издание ќе имаат можност да заблескаат на сцената на НОБ и да освојат многу вредни награди на регионално ниво.

Учесниците на првото издание на Performer Cup кај нас, од сите уметнички дисциплини, со возраст над 6 години, ќе се натпреваруваат СОЛО, во ДУО, во помали состави од 3 - 5 натпреварувачи или поголеми ансамбли со неограничен број на изведувачи. Сите перформанси ќе бидат дел од официјалниот YouTube канал на Metodo Pass.

Натпреварувачите ќе се борат за многу вредни наградии медали (злато, сребро и бронза), а финалистите од секоја категорија и класа ќе ја претставуваат својата нација на големото Европско Финале кое ќе се одржи во од 2 – 13 јуни, во Рим, 2023 година, на сцената на најголемото филмско студио во Европа - Cinecitta World. На Европското првенство, учество ќе земат претставници на 36 европски нации, меѓу кои и Македонија.

Таму пак, нашите најталентирани уметници ќе бидат во трка за: стипендии за Бродвеј Musical Academy во Њујорк, стипендии за Лондон, договори за вработување, учество во интернационалниот ТВ формат кoe се емитува на најпознатата италијанска телевизија со светско влијание RAI и многу други несекојдневни награди и прилики. 

Постанете дел од досега најголемиот уметнички хепенинг кај нас и остварете го својот уметнички сон на светските сцени.

4ти Јуни - Националната Опера и Балет. 

Информации и пријавување на тел: 075 323 352 и 070 366 926.

На E-mail адресата: Оваа е-адреса е заштитена од спамботови. Треба да ви е овозможено JavaScript за да ја видите. 

Или на Фејсбук: Меtodo Pass Macedonia