Руслана, Кончита – Како изгледаат и што прават денес најпознатите евровизиски натпреварувачи?

Од првата Евровизија во 1956 година, па сè до денес, навистина видовме секакви изведувачи со секакви песни на сцената.

Додека на повеќето не се сеќава скоро никој, дел од победниците, но и некои финалисти, ни беа толку забавни и интересни што ќе ги помниме уште долго.

На пример, зарем има некој кој ќе ја заборави Кончита? Веројатно се сеќавате и на Руслана и нејзиниот енергичен настап или, пак, настапот на бабичките од Русија. Но знаете ли што прават овие музичари денес и како изгледаат?

Можете да дознаете во продолжение:

Бабичките од Бураново

Никој не остана рамнодушен на осумте бабички од Русија кои настапуваа на Евровизија 2012. Можеби на почетокот никој не ги сфати сериозно, но тие ја освоија публиката, како и второто место на натпреварот.

По настапот на Евровизија бабичките станаа вистински хит во Русија и одржуваа концерти, а со заработените пари изградија црква во нивното село Бураново. Наводно, денес познатите бабички се пензионирани од музичката кариера и една од нив, за жал, почина во 2019 година.

Руслана

Руслана ѝ донесе победа на Украина на Евровизија 2004, а денес, на 48-годишна возраст, уште се занимава со музика.

Покрај тоа, Руслана е и професионална танчарка, но и активист против загадувањето на Земјата. Всушност, таа и нејзиниот сопруг живеат во еколошки дом, а на нејзиниот Инстаграм профил често споделува фотки од секојдневието.

Нета

Во 2018 година младата пејачка Нета од Израел ја освои публиката со својот моќен глас и победи на Евровизија.

Оттогаш Нета има издадено два успешни музички албуми, а нејзините спотови се прегледувани милионипати. Сепак, Нета сака да се држи понастрана од јавноста и не се знае скоро ништо за нејзиниот приватен живот.

Лорин

Во 2012 година, победата на бабичките од Русија им ја „украде“ Лорин од Шведска. Нејзината песна Euphoria беше толку популарна, што долго ја слушавме и на радиостаниците.

Денес Лорин уште работи во музичката индустрија, а се има појавено и во неколку шведски реклами и телевизиски серии. Таа е и активист кој се залага за правата на луѓето од сиромашните земји.

Џамала

По победата во 2016 година, Џамала од Украина ја продолжи музичката кариера и издаде шест студиски албуми, од кои последниот годинава.

Таа заплива и во актерските води, а беше дел и од неколку популарни украински шоуа. Денес пејачката е во брак и има две деца.

Продолжува на следната страница...