„Заиграј со мене ти” на Виолета Томовска со Дац и Александар е новиот претпразничен хит (видео)

Ја вративме Виолета повторно на сцената! Дац и Александар вчера, на 19 декември, повторно ја израдуваа публиката со убав предновогодишен музички подарок. Ја остварија својата желба да запејат нешто со кралицата на македонската народна музика Виолета Томовска, а се работи за обработка на песната “Заиграј со мене ти” во нов аранжман на Митевски и неговите колеги. 

zaigraj-so-mene-ti-na-violeta-tomovska-so-dac-i-aleksandar-e-noviot-pretpraznichen-hit-video-1.jpg

Виолета конечно се врати на сцената на големо воодушевување на публиката, а Дац и Александар велат дека токму пиедесталот е местото кое Виолета како уметник го заслужува.

Оваа верзија е направена како новогодишен подарок во чест и сеќавање на големиот маестро Милан Завков (кој е автор на музиката на оваа вечна песна) и текстописецот и исполнител на песната, Виолета Томовска, која наскоро ќе прослави 80 години.

Оваа идеја се реализираше и со голема поддршка од семејствата на Милан и Виолета.

Хармониката ја отсвири Мишел Трајковски во манирот на маестро Завков, а вклучени беа и гитаристите Ташко Грујовски, Бобан Василески и трубачот Диме Танчев. 

Дац и Александар велат дека одамна во нив тлеела желбата да снимат нешто со Виолета и се воодушевени од енергијата и гласот кој таа ги поседува, а тоа се покажало во текот на снимањето на аудио и видео материјалот.

zaigraj-so-mene-ti-na-violeta-tomovska-so-dac-i-aleksandar-e-noviot-pretpraznichen-hit-video-03.jpg

Велат дека Виолета не старее воопшто, па дури се појави и како изненадување на нивната доцна вторничка забава во „Трибека” кога ја отпеаја оваа нова верзија и се случи вистински делириум од емоции пред бројната публика.

Текстот и мелодијата на „Заиграј со мене” , преоблечени во ново руво денес звучат толку актуелно и носат убава порака и добро расположение за празниците кои се пред нас.

Уживајте и споделете ги нивните желби за здравје и љубов за сите во 2025 година!  

;

Би можело да ве интересира:

Дац и Александар направија женска верзија на „Уште ми фалиш“ - 32 дами во спотот што ќе ве разнежни ... Во прекрасна атмосфера, исполнета со многу емоции и музика, Дац и Александар веч...
Ивона Јо: „Несебично ви ја подарувам 'Себично' - Нека стигне до секоја душа што пати и боли“ Ивона Јо имаше маестрална изведба на овогодинешниот Макфест, каде што се претста...
„Пекол и рај“ е новата љубовна песна од Огнен Здравковски „Нешто ново од мене, сработено со многу љубов и посебна енергија. Слушнете ја пе...
Тамара, Just RB и Никифор направија римејк на „Зови ме Лена“ Оваа римејк верзија на песната е најава за новиот албум на Just RB и Никифор, “A...
Музика која зборува за вашиот бренд – интервју со креаторите на персонализираната радио услуга за би... „Нашата услуга функционира многу едноставно, но ефикасно. Секој клиент доби...
Песна за разделба, нова прекрасна балада на Владо Калембер Може ли разделба да биде достоинствена, без навреди, обвинувања и лоша мисла? Ко...

Најчитани неделава

sonovnik-sidebar.jpg