Слушнете ја новата француско-македонска песна на MIYATTA и Фолтин – „Ме боли“
„Ме боли“ е насловот на новата песна на MIYATTA направена во соработка со групата Фолтин.
Станува збор за француско-македонска шансона чиј автор е MIYATTA, со аранжман на Фолтин, снимена во студиото Алшар во Скопје.
„Пресреќна сум што постојат врвни уметници како што се Фолтин, кои веднаш го разбраа музичкиот филм кој го посакував, и создадоа автентична атмосфера поради која оваа песна ќе се смести на листата на препознаени шансони од целиот свет.
Песната ќе има и целосна француска верзија со наслов „C’est joli“ а која ќе биде премиерно изведена на TV5 Monde.
Видеозаписот се случи во соработка со Универзитетот Европа Прима, каде магистранд е актерката Јелена Мијатовиќ, мојата сестра, која направи трансформација за потребите на изведбата, додека Бојан Секулоски, професор на истиот универзитет, ги изработи снимањето, фотографијата, колор корекцијата и монтажата“, открива MIYATTA.
Слушнете ја песната во продолжение:
Би можело да ве интересира:
Препорачуваме
Најчитани неделава
