Слушнете ја новата песна на гостиварскиот бенд Soundcheck - „Доцна е за сè“ (видео)

Гостиварскиот поп-рок бенд Soundcheck на 10 Април, 2023 ја објави новата авторска песна. Промоцијата на „Доцна е за сè“ започна со објавување на видеоспотот на нивниот канал на Јутјуб.

Новата песна на Soundcheck „Доцна е за сè“ е авторско дело на членовите на бендот, аранжманот на Дамир Пух кој освен во улогата на продуцент, работеше на миксот и мастерингот. Процесот на снимање се одвиваше во скопското GreenRoom Sound Studio.

За изработка на видеото се задолжени: Александар Нешкоски-камера, Виган Демири-асистент на камера и монтажа, режисер е Ајдин Ислами, а главната улога во спотот ѝ е доверена нa Ивана Мерџаноска, актерка од Театар Дунек-Гостивар.

Честитки за сработеното до екипата Ѕoundcheck - Давор Карафилоски-вокал, Драгутин и Војкан Јаковлевски-гитари и Марко Стамески-удирачки инструменти.