Леонардо Ди Каприо јадел живо месо за The Revenant, иако е веган – актери кои отишле предалеку за улога

Џејми Фокс минувал 14 часа дневно со заврзани очи за да го долови ликот на слепиот музичар Реј Чарлс, а Роберт Патинсон се опивал и зад камерите се однесувал како проблематичниот лик во The Lighthouse.

Актерите користат многу техники за да го извлечат најдоброто од себе, но можеби најопасно е таканареченото методско глумење (method acting). Ова е техника со која актерите не ги глумат емоциите, туку целосно се внесуваат во нивниот лик и ги чувствуваат неговите емоции, така што нивната изведба изгледа многу поприродно и поуверливо.

Но, ова значи дека ако нивниот лик се чувствува мизерно – и тие се чувствуваат мизерно. Односно, сите емоции што ги чувствува нивниот лик, ги чувствуваат и тие. А, кога ќе земете предвид дека снимањата траат и по неколку месеци, станува јасно зошто оваа техника може да биде и опасна за менталното, а некогаш и физичкото здравје на актерите.

Сепак, најдобрите холивудски актери и актерки неретко ја користат оваа техника, иако се свесни за последиците, и одат до екстреми за добра изведба.

Неколку актери кои навистина отишле предалеку за улога:

Лејди Гага

Лејди Гага зборувала со италијански акцент и во приватниот живот цели девет месеци додека траело снимањето на House of Gucci.

„Три години работев на улогата и ќе бидам искрена – околу година и пол, живеев исто како ликот што го глумев“.

Оваа посветеност на улогата ѝ предизвикала проблеми на Гага и открива дека веднаш откако завршило снимањето, извесен период мислела дека уште се наоѓа на филмски сет.

Ештон Кучер

Ештон го глумеше Стив Џобс во биографскиот филм Jobs, а додека траело снимањето пробал да го следи начинот на исхрана на основачот на Apple.

Стив Џобс бил „фрутаријанец“, односно јадел само овошје, а обидувајќи е да го копира, Ештон двапати завршил во болница.

„Беше многу глупав. Еден период јадеш само грозје… двапати заврши во болница. Со панкреатит! Беше многу глупаво“, изјави неговата сопруга Мила Кунис.

Џаред Лето

Џаред Лето се појавува во Suicide Squad едвај 10 минути, но вистински ѝ се посветил на улогата на Џокерот.

Бидејќи неговиот лик е психопат, и Џаред почнал да се однесува така – на колешката Марго Роби ѝ испратил мртов стаорец, на друг колега му испратил мртва свиња, а од сите на сетот барал да му се обраќаат исто како што ликовите во филмот му се обраќаат на Џокерот.

Роберт Патинсон

The Lighthouse е по малку вознемирувачки филм, а ни за актерите не било лесно да го снимаат. Роберт Патинсон, кој ја има една од главните улоги, навистина се опивал наместо да глуми пијан, си ставал камчиња во чевлите, лижел кал – генерално, ги правел сите бизарни работи што би ги правел и неговиот лик.

„Секогаш кажувам дека актерите пробуваат методска глума кога глумат лоша личност. А, никогаш нема да видите актер да се однесува фино додека е длабоко навлезен во неговиот лик“, сподели актерот за улогата во The Lighthouse.

Даниел Деј-Луис

Ликот на Даниел во My Left Foot има церебрална парализа, а додека траело снимањето, актерот одбивал да стане од инвалидската количка, дури и кога камерите биле исклучени. Поради ова, си создал проблеми со ребрата.

Истовремено, тој барал да го хранат со лажичка, исто како неговиот лик.

Хали Бери

Во Jungle Fever, Хали глуми зависничка и за целосно да се внесе во улогата, не се туширала и по 10 денови.

„Навистина не се туширав. Прашајте ги колегите. Постојано мораа да мe трпат“, изјави актерката.

Продолжува на следната страница...