Филмови од вашето детство што ве научија лоши лекции

Детските филмови обично треба да промовираат здрави вредности. Можеби уште поважно, филмовите треба да обезбедат многу пари.

Во потрага по пари, режисерите понекогаш не трошат многу време на здравите вредности и ненамерно снимаат семејни филмови со погрешни пораки.

Значи, филм што навидум зборува за пријателство или семејство може да има и проблематични теми како мизогинија или расизам.

Ова се филмови од вашето детство што ве научија лоши лекции:

„The Little Mermaid“ отсликува љубов базирана целосно на надворешниот изглед

Што им е заедничко на Ариел и на принцот Ерик во Малата сирена? Тешко е да се каже, нели? Па, затоа што двајцата никогаш немаат разговарано. Ариел не може да зборува.

Целата нивна врска се фокусира на физичката привлечност. Ариел се обидува да го заведе Ерик за да се омажи за неа, со помош на нејзината способност да изгледа симпатично.

„Mrs. Doubtfire“ вели дека демнењето е во ред

Ова е чуден филм, кој зборува за маж кој поминува низ развод и се обидува да се поврзе со своите деца со тоа што се облекува како старица и се преправа дека е нивна нова чистачка.

Кога ќе се открие неговата измама, се чини дека истата не е страшна, бидејќи тој правел сè за своите деца. Освен тоа што ова е сосема нелегално. Филмот може да пренесе порака дека е во ред да се демнат луѓето, сè додека е мотивирано од љубов.

„Home Alone“ и сцени на мачење

Филмовите како „Saw“ и „Hostel“ ги привлекуваат гледачите заради нивното екстремно насилство.

Очигледно дека тие филмови не се за деца - освен „Home Alone“. Во овој филм можат да се видат многу брутални и насилни сцени, кои се сосема оправдани.

„Dennis The Menace“ вели дека е добро да се биде ужасен

Денис е неверојатно енергичен, а неговиот неограничен ентузијазам го наведува да прави работи како - влегување во домовите на другите луѓе и пукање во нив со својата прачка.

Тоа не е нормално однесување, но некако е Денис главен протагонист на филмот, додека сите возрасни луѓе кои не сакаат да бидат злоупотребени од дете се антагонисти.

„The Parent Trap“ ги учи децата дека разведените родители можат лесно да се смират

Овој филм зборува за двајца близнаци кои се обидуваат да ги спојат своите разведени родители. За да го направат ова, тие не само што треба да ги убедат родителите дека треба да бидат заедно, туку треба да ја расипаат и свршувачката на нивниот татко.

Нивните планови успеваат во филмот, но се поставуваат нереални очекувања за другите деца со разведени родители. Според ова, доволно е само да се трудите и сè ќе биде добро.

Овој филм ги учи децата да не ги прифаќаат одлуките на нивните родители и да ги мразат сите нови луѓе во нивните животи.

Ашера | Црнобело