6 одлични филмови со Вил Смит во главната улога

Скоро сите го обожаваме Вил Смит и имаме неколку добри причини поради тоа: шармантен, забавен, глуми одлично и изгледа уште подобро со годините.

Ѕвездата досега има снимено околу 40 филмови, а во добар дел од нив се јавува и како продуцент.

Во очекување на неговиот најнов филм „Suicide Squad“, чија премиера ќе ја видиме на 5-ти август, да се потсетиме на неколку одлични филмови со Вил Смит во главната улога.

Дел од нив ќе ве насмеат и расположат, а дел ќе ви донесат очи полни солзи:

1. „Focus“ (2015)

Сплетки, грабежи, адреналин и забава во филмот во кој друштво му прави згодната Марго Роби, а фокусот е насочен кон професионално ограбување.

2. „Ali“ (2009)

Улогата која му донесе најмногу пофалби на Вил Смит за портретирањето на животот на спортската легенда Мухамед Али, исполнет со подеми, падови и контроверзии во периодот од 1964-та до 1974-та година.

3. „Seven Pounds“(2008)

Невозможно е мисијата на еден човек кој ќе го смени засекогаш животот на 7-мина други луѓе, да не ве донесе до солзи.

4. „The Pursuit of Happiness“ (2006)

Вистинска приказна за Крис Гарднер и неговото издигнување од сиромашен во успешен човек, проткаена со борбата за опстанок и бескрајната љубов кон своето дете.

5. „Hitch“ (2005)

Секому му е потребно малку помош кога станува збор за освојување девојки, а плановите на специјалистот за љубов ќе ги помати прекрасната Ева Мендез.

6. „I, Robot“ (2004)

Научно-фантастичниот филм работен според кратката новела на Исак Асимов ја прикажува иднината во 2035-та година и полемизира на темата дали роботите може вистински да почувствуваат емоции како и луѓето.

(О)Милена | Црнобело