Филмски викенд: Криминални Драми 2

За овој викенд ви спремивме три драми, сите инспирирани од вистински приказни и сите интересни за гледање.

Филмови кои раскажуваат раслични но многу интересни животни приказни. Филмови кои зборуваат за вистината и за човековата природа.

Иако се малку поспори од обичните криминални драми, верувам дека ќе ви се допаднат.

Уживате во овој филмски викенд!

Lawless (2012)

Приказната во филмот е сместена во 1931-ва година, во Америка во периодот на депресијата и прохибицијата.

Тројцата Бондурант браќа се занимаваат со нелегално производство и дистрибуирање на домашно направениот алкохол, но сето тоа ќе се смени кога на сцена ќе дојдат новите луѓе.

Филмот е интересна криминална драма, сместена во едно сосем поинакво општество од сегашното.

Актерската екипа е одлична и интересна за гледање.

Ако сте љубители на криминална драма сместена во минатото тогаш овој е филмот за вас.

Режија: John Hillcoat
Глума: Tom Hardy, Shia LaBeouf, Guy Pearce

Argo (2012)

Во ова режисерско дело на Бен Афлек се раскажува за настани што се случиле во Иран во 1979година, кога иранскиот народ се побунил против американците и  ја окупирал американската амбасада.

Шестмина од вработените успеале да побегат, и се криеле во резиденцијата на Канадскиот амбасадор.

Вашингтон решава да ги спаси своите луге, и да ги пренесе во Америка, но едноставно нема како, сè додека еден ЦИА агент не смисли доволно луд и откачен план.

Дали ќе успее или не, останува на вас да видите. Филмот е ремек дело, глумата, приказната, костимографијата и сценографијата се одлични.

Бен Афлек е феноменален режисер, и со право филмов беше номиниран и освои толку награди.

Режија: Ben Affleck
Глума: Ben Affleck, Bryan Cranston, John Goodman

Flight (2012)

Еден пилот успева да го спаси авионот и да го слета безболно и сигурно, откако ќе почне да се распаѓа во сред лет.

Тој со своите луди каубојски потези ќе успее да ги спаси животите на поголемиот дел од патниците и екипажот. Но, не на сите.

Ќе се отвори истрага за да се открие причината за несреќата, која ќе даде објаснување зошто авионот се распаднал, како пилотот успеал да го слета и зошто починале тие луге.

Но, оваа истрага ќе открие многу поголем проблем, ќе ги открие зависностите на пилотот, дека е алкохоличар и дека често конзумира дрога.

Гледајте го филмот ако сакате да гледате психолошка драма, да гледате одлична глума од Дензел Вашингтон и да видете како изгледа борбата со зависности.

Филмот е бавен и не е за секој, но ако ве интересира интересна глума треба да го догледате до крај.

Режија: Robert Zemeckis
Глума: Denzel Washington, Nadine Velazquez, Don Cheadle

И.Т. | Црнобело