Филмски викенд: Мистериозни трилери

За овој студен викенд ви подготвивме три мистериозни трилери што ќе ве држат во неизвесност до самиот крај. Филмови кои имаат малку позаплеткани приказни и не се лесни за гледање. Филмови кои може да ве уморат, налутат или натажат.

Еден има историска тематика, другиот е модерна драма мистерија, додека третиот е ремек дело во овој жанр.

Уживајте во овој филмски викенд!

The Raven (2012)

Овој филм е сместен некаде во средината на 18тиот век и раскажува за психопат што ги копирал злосторствата раскажани во песните на Едгар Алан По.

Бидејки никој не го разбира убиецот, еден детектив го регрутира самиот поет да помогне во истрагата.

Убиецот и поетот комуницираат и се разбираат преку извршените злосторства, но сепак полицијата неможе да го најде убиецот. Тој е секогаш еден чекор пред нив.

Но, кога љубената на По ќе стане цел на убиецот, По ќе направи сè што е во негова моќ да ја спаси.

Овој филм е од оние филмови што ве тераат цело време да се запрашувате кој е убиецот.

Дури и да не сте запознаени со делата на поетот, можете да го погледате филмот и да уживате.

Режија: James McTeigue
Глума: John Cusack, Alice Eve, Luke Evans

Gone (2012)

Интересно филмче кое вреди да се погледне ако сакате мистериозни трилери каде девојка ја има главната улога.

Иако трејлерот изгледа стереотипно и предвидливо, јас сепак сметам дека треба да му дадете шанса на филмов бидејки е интересно склопен.

Се раскажува за една девојка која била киднапирана пред една година, а сега изчезнува нејзината сестра.

Иако овие два настани изгледаат тотално неповрзани таа е убедена дека се работи за истиот човек. Дека нејзината сестра е киндапирана од нејзиниот киднапер.

Но, полицијата не и верува и таа е принудена сама да ја најде сестра си. Навистина возбудлива и брза приказна, и преку поголемиот дел нема да знаете дали ова навистина се случува или девојката си го замислува ова.

Главната актерка е прекрасна, како и останата екипа меѓу кои има голем број познати актери.

Режија: Heitor Dhalia
Глума: Amanda Seyfried, Jennifer Carpenter, Wes Bentley

Shutter Island (2010)

Малку постар филм, наменет за сите оние што го пропуштиле. Една од подобрите мистерии што воопшто се направени.

И се разбира во главната улога е Леонардо Ди Каприо, кој мора да се погледне во секој филм бидејки е едноставно фантастичен актер.

Филмот раскажува за еден детектив, Теди, пратен на остров каде е сместена лудницата за криминалци и го истражува исчезнувањето на една жена.

Додека престојува на островот, се случуваат многу чудни работи, слуша конфузни приказни... почнува да се сомнева во сите и во себе.

Филм кој навистина ќе ве натера да седите на крајот од столчето од нетрпение, и кој можеби ќе ве натера да разговарате со екранот. Филм кој на сите им го препорачувам.

Режија: Martin Scorsese
Глума: Leonardo DiCaprio, Emily Mortimer, Mark Ruffalo

И.Т. | Црнобело