10 филмови каде главниот негативец е вештачката интелигенција

Eagle Eye

Акционен трилер кој прикажува застрашувачка потенцијална закана од вештачката интелигенција.

Главните ликови се маж и жена кои не се познаваат, но почнуваат да добиваат наредби преку телефон од мистериозна жена.

Веќе стравувајќи за својот живот, тие ја следат секоја наредба, не знаејќи со што се соочуваат.

Archive

Во 2038-ма, млад научник тајно се обидува да создаде совршена вештачка интелигенција. Целта му е да ја врати свеста на неговата покојна сопруга и да ја „всади“ во хуманоиден робот.

Но, многу работи не одат по план.

The Matrix

Филмскиот серијал The Matrix веќе е синоним за борбата помеѓу луѓето и машините.

Главниот лик е програмер кој дознава дека човештвото е поробено од машини и дека светот во којшто живее е всушност симулација.

Па, треба да одлучи дали ќе се разбуди во вистинскиот свет или ќе продолжи да живее во лага.

M3GAN

M3GAN е морничав трилер кој покажува друг екстрем на вештачката интелигенција.

Експертка за роботика создава кукла со вештачка интелигенција, дизајнирана со цел да им биде заштита, но и пријател на децата.

Откако сестра ѝ загинува во несреќа, таа ѝ ја подарува куклата на внука си, но куклата почнува да оди до крајности за да го заштити девојчето.

I, Robot

Снимен според истоимената книга на Исак Асимов, I, Robot е меѓу првите приказни за опасноста од непослушна вештачка интелигенција.

Главниот лик е детектив кој истражува убиство кое се чини дека е направено од робот со вештачката интелигенција.

Но, убеден е дека ова е невозможно, бидејќи за да го изврши убиството, роботот би требало да е свесен.

Спирова С. | Црнобело