„Чекавме 3 години за овој ужас“: Критики за втората сезона од Squid Game + најзабавните мемиња за серијата

„Само што ја завршив втората сезона и е толку ужасна, што плачам. Сите елементи од првата сезона ги нема – нема емоција, нема суштина“, гласи една од многуте критики за новата сезона на Squid Game. Дали вие ја изгледавте и дали ви се допадна?

По три години чекање, од 26-ти декември на Нетфликс е достапна втората сезона од хит-серијата Squid Game.

Но, веројатно сите имавме превисоки очекувања, бидејќи ретки се оние кои имаат пофални зборови за новата сезона.

Кратко по премиерата на првата сезона во 2021 година, серијата стана најгледаната на Нетфликс.

Оригиналната приказна, напнатите сцени, пресвртите, но и критиката за класните разлики и големиот јаз меѓу богатите и сиромашните се само дел од работите што ја направија популарна.

Истовремено, првата сезона веројатно постави превисоки стандарди, кои втората не успеа да ги достигне.

Во првата сезона, победникот во игрите е Ги-хан, со што освојува 45 милијарди јужнокорејски вони (околу 30 милиони евра).

Сите останати натпреварувачи умираат.

Дејството на втората сезона е сместено околу три години по победата на Ги-хан.

Иако сега е богат, тој смета дека освоените пари се „крвави“ и си дава за цел еднаш засекогаш да ги запре игрите.

Па, пробува да го лоцира регрутерот од првата сезона и да најде начин да се инфилтрира во игрите.

Иако заплетот донекаде делува забавно, повеќето фанови на серијата се согласуваат дека втората сезона ги разочарала.

На некои не им се допаѓа бавното темпо што е целосна спротивност на динамиката од првата сезона.

Други истакнуваат дека повеќето ликови се ужасно креирани и делуваат дури и наивно.

Некои ги критикуваат и актерите – сметаат дека се лош избор за одредени ликови.

А, скоро сите се согласуваат дека и крајот на сезоната (кој нема да ви го откриеме овде) е потполно разочарување.

Дел од коментарите за втората сезона:

„Ја гледам втората сезона и е многу, многу лоша. Сценариото и темпото се ужасни“.

„Само што ја завршив втората сезона и е толку ужасна, што плачам. Сите елементи од првата сезона ги нема - нема емоција, нема суштина, игрите немаат возбуда“.

„Многу предвидливо дејство. Приказната е недовршена, крајот е разочарувачки и фрустрирачки“.

„Втората сезона е трошење време – дејството не се придвижи кон никаде и крајот делува недовршен. Буквално ништо не се случи“.

Секако, има и гледачи на кои им се допаднала сезоната и сметаат дека е дури и подобра од првата.

Некои велат дека втората сезона е многу помрачна, а и им се допаѓало што имало повеќе интеракција меѓу ликовите.

На Твитер, веќе се споделуваат и мемиња за серијата.

Дел од нив на следната страница...