10 серии со непредвидливи пресврти (поради кои ќе сакате да ги изгледате уште еднаш)

Популарната Squid Game, но и Behind Her Eyes – серија чиј крај никогаш не би го претпоставиле.

Филмовите со пресврти се секогаш забавни.

Но, уште подобри се сериите со неочекувани пресврти бидејќи во нив вложуваме многу повеќе време и, на некој начин, повеќе се приврзуваме за ликовите.

А, некои серии имаат пресврти во секоја епизода, па никогаш не можете да предвидите што ќе се случи следно.

10 серии со одлични пресврти поради кои ќе сакате да ги изгледате барем уште еднаш:

Behind Her Eyes

Главниот лик е Луис – самохрана мајка која работи во психијатриска канцеларија.

Сосема случајно, почнува афера со нејзиниот шеф, а во меѓувреме се спријателува и со неговата сопруга која делува мистериозно и чудно.

Крајот, пак, е нешто што нема никогаш да го предвидите.

Dark

Dark е серија во која секој миг е нов пресврт.

Дејството се одвива во неколку временски периоди кои се поврзани бидејќи некои од ликовите патуваат низ времето.

Па, неретко, иднината влијае на сегашноста и минатото и ќе ви треба време да научите кој е кој.

Mr. Robot

Главниот лик е млад хакер кој преку ден работи како експерт за сајбер безбедност.

Со својата хакерска група, тој пробува да создаде анархија.

Додека првиот пресврт во серијата е очигледен, останатите се нешто што веруваме дека не би го предвиделе.

Westworld

Снимена според истоимениот филм, дејството на Westworld се фокусира на забавен парк за возрасни, во вестерн стил.

Посетителите ги забавуваат роботи со вештачка интелигенција за кои е практично невозможно да се познае дека не се луѓе.

Но, многу работи тргнуваат на погрешно кога некои од роботите стануваат непослушни, како да се свесни за себе.

Black Mirror

Black Mirror е антологиска серија и секоја епизода е различна приказна.

Серијата ја прикажува мрачната страна на технологијата, неретко со вознемирувачки последици, но и бројни неочекувани пресврти.

Продолжува на следната страница...