„Тајни“ кодови за пребарување на Нетфликс по категории

Знаевте ли дека на Нетфликс можете да користите кодови за подетално пребарување по категории? Овие кодови можат да ви откријат филмови и серии кои алгоритмот на платформата не би ви ги покажал при обично пребарување.

Нетфликс е една од најпопуларните стриминг платформи, но поради огромниот избор, некогаш сигурно трошите повеќе време во барање, отколку во гледање.

Но, знаевте ли дека постојат „тајни“ кодови кои можете да ги користите за филтрирање на филмовите и сериите по категории?

Кодовите се броеви кои треба да ги впишете во табот на прелистувачот за Нетфликс да ви излиста филмови и серии од соодветната категорија.

За да ги користите кодовите, нормално, треба да бидете логирани на Нетфликс.

Потоа во табот за пребарување на прелистувачот впишете: www.netflix.com/browse/genre/КОД

На местото КОД, го впишувате кодот за соодветната категорија.

На пример, кодот за акција и авантура е 1365. Значи, во прелистувачот треба да впишете: www.netflix.com/browse/genre/1365

Ако гледате на апликација, односно на смартфон или паметен телевизор, доволно е да го впишете кодот во табот за пребарување на Нетфликс.

Имајте на ум дека некогаш некои кодови не функционираат правилно, бидејќи ова сепак е „скриена“ опција на Нетфликс на која не се обрнува многу внимание.

Во продолжение дел од најпопуларните кодови, а повеќе можете да најдете ТУКА:

Акција и авантура

Кодот за сите филмови во оваа категорија е 1365, но има и поткатегории:

• Акциони комедии – 43040
• Акција, научна фантастика и фантазија – 1568
• Акциони трилери – 43048
• Авантури – 7442
• Филмови со суперхерои – 10118
• Вестерни – 7700

Комедија

Кодот за сите комедии е 6548, додека за дел од поткатегориите се следните:

• Класични комедии – 31694
• Култни комедии – 9434
• Мрачни комедии – 869
• Романтични комедии – 5475
• Тинејџерски комедии – 3519

Семејни и детски филмови и серии

Кодот за сите семејни и детски филмови е 783, додека за поткатегориите се следните:

• Приказни за животни – 5507
• Филмови на Дизни – 67673
• Едукативни филмови за деца – 10659
• Детски серии – 27346
• Филмови снимени според детски книги – 10056

Страшни филмови и серии

• Филмови со чудовишта – 947
• Морничави акциони трилери – 83526
• Хорор комедии – 932
• Хорор филмови со вампири – 75804
• Хорор филмови со натприродни појави – 42023

Документарци

• Биографски документарци – 3652
• Серии со теории на заговор – 53599
• Наградувани историски документарци – 10466

Серии за маратонско гледање

• Аниме – 6721
• Британски крими мини-серии – 52620
• Мини-серии што освоиле Еми награда – 90949
• Историски мини-серии – 88350

Спортски филмови и серии

• Филмови со боксирање – 12443
• Филмови со фудбал – 12803
• Спортски комедии – 5286
• Спортски документарци – 180
• Спортски драми – 7243

Доколку некој од кодовите не ви функционира, секогаш можете да побарате алтернатива на Гугл.

Спирова С. | Црнобело