Ива Спасовска објави селфи без Инстаграм филтри и шминка: „Стоп за булинг со плукање“
- Детали
- среда, 23 ноември 2022
„Не сакам да се објаснувам многу долго, неколку девојчиња ми пишаа во порака дека и јас користам филтер. Да, јас и сега (додека го снимам видеово за на Инстаграм Стори) користам филтер. Јас користам триста апликации и тоа го кажав на радио, јас 15 години користам апликации, но не се срамам и да се покажам во вистинско светло пред камера...“, гласи дел од објавата на македонската дизајнерка Ива Спасовска со која испраќа апел.
Српската инфлуенсерка Дуња Јованиќ поттикна лавина од реакции со своето видео во кое порачува помалку да користиме Инстаграм филтри и повеќе да се прифаќаме себеси.
Македонската дизајнерка Ива Спасовска пак, е една од оние кои ја поддржаа иницијативата на Дуња на Инстаграм, но откри дека потоа се соочила со многу обвинувања.
Откако Ива ја поддржа Дуња Јованиќ за видеото и идејата, добила критики дека и таа самата користи филтри.
Па, на ова Ива вели:
„Не сакам да се објаснувам многу долго, неколку девојчиња ми пишаа во порака дека и јас користам филтер. Да, јас и сега (додека го снимам видеово за на Инстаграм Стори) користам филтер.
Навистина не разбирам кога некој има идеја да поддржи некој што сакал нешто да направи и да се пренесе вистинската идеја, како вие веднаш наоѓате простор да плукате...?
Тоа не можам да го разберам, но и не морам се да разберам, ваше право е да плукате.
Јас користам триста апликации и тоа го кажав на радио, јас 15 години користам апликации, но не се срамам и да се покажам во вистинско светло пред камера.
Стоп за булинг со плукање. Поддршка за сите позитивни души кои се обидуваат да го спасат светот барем со мали чекори.
Последно нешто што сакам да го кажам за предизвикот да се сакаш таква каква што си, не е поврзано лично со мене, туку со безброј млади девојчиња и жени за кои сум личен сведок кај мене во ателје дека од навика на филтри одбиваат да се погледнат директно во огледало, туку отвораат Инстаграм филтер и преку него прават проценка како изгледаат во новата креација.
Ние секако се движиме во сè повеќе виртуелен свет, но идејата е да се сакаме и во огледало и не секогаш да зависиме од апликации.“
Повеќе Инстаграм фотки од Ива:
Прочитајте и „Ова сум јас, со сите мани“ - Моќното видео од најпознатата српска инфлуенсерка, кое го споделуваат и Македонките
С. С. | Црнобело
Би можело да ве интересира:
Препорачуваме
Најчитани неделава
