Совршената моминска забава на Зои Блаж во вила со базен со декорации во земјени тонови (фото)
- Детали
- недела, 26 јуни 2022
Со декорации во земјени тонови, совршени украси и летна атмосфера со бикини и капење, Зои ужива со моминската забава со пријателките, пред свадбата со словенечкиот ракометар Тадеј.
Зои Блаж од Скопје, сопственичка на салон за убавина, повеќе од 5 години е во врска со словенечкиот ракометар Тадеј, кој потекнува од стариот рибарски град Изола. Парот наскоро ќе го каже судбоносното „да“, а денес (26.06) Зои ужива во својата моминска забава.
Пријателките за неа изнајмиле вила со базен и совршено ја декорирале и според фотографиите што Зои ги прикачува на својот Инстаграм профил, тие одлично си поминуваат.
Во една пригода Зои за нејзината љубовна приказна со Тадеј откри за CRNOBELO.com:
„Се запознавме многу спонтано на социјална мрежа. Јас го видов и му пишав прва, а потоа тој ме покани да излеземе и од прв ден двајцата чувствувавме дека тоа е тоа вистинското.
Тајната на нашата успешна врска е довербата, љубовта, разбирањето, слогата и најважно мирот. Едноставно дишеме еден за друг. Многу е чудно, но чувствуваме кога на некој од нас му се има случено нешто, дури и кога сме разделени илјадници километри.
Тадеј моментално игра во еден ракометарски клуб во Германија и таму живее, а јас постојано сум на релација Скопје – Германија.
Едвај чекаме да ја крунисаме нашата љубов со брак.“
Oчигледно сонот на Зои сега се реализира...
С. С. | Црнобело
Би можело да ве интересира:
Препорачуваме
Најчитани неделава
