„Почивај во мир маестро, од денес со својата Анче“ – Почина Александар Џамбазов
- Детали
- вторник, 25 јануари 2022
Во 85-тата година од животот почина големиот македонски диригент и композитор Александар Џамбазов.
Веста за смртта на Маестро Џамбазов ја потврди и неговиот син, нашиот актер и шоумен Игор Џамбазов кој објави фотографија на социјалните мрежи до која напиша:
„Си замина нашиот МАЕСТРО, тивко и нечујно, како што живееше во последните 25 години...од денес, конечно со својата Анче...вечен нека ни е споменот на тебе, маестро мој... “
Александар Џамбазов беше во брак со нашата актерка Анче Џамбазова која почина во 1997-мата година, а заедно ги добија Игор и Тања.
Тој беше иницијатор и долгогодишен диригент на фестивалот за деца „Златно славејче“.
Маестро Александар Џамбазов исто така е еден од основоположниците на Танцовиот и Ревискиот оркестар на Македонската Радио Телевизија, на фестивалот на забавни мелодии „Скопје“.
Пишувал сценска и филмска музика („Мементо“, за драмите „Мајка“, „Двајца на нишалка), како и повеќе дела на класичната музика меѓу кои најпозната му е „Рапсодија за Скопје“ – за пијано и оркестар.
Автор е на повеќе оркестарски, хорски, камерни дела, забавни мелодии, но и песни за деца.
Со Маестро Џамбазов на социјалните мрежи се простуваат и голем број наши познати личности и музичари.
Игор Дурловски на својот Фејсбук профил објави:
Душа човек,
прекрасен музичар.
Царство небесно маестро Џамбазов
Душа човек, прекрасен музичар. Царство небесно маестро Џамбазов🖤
Posted by Igor Durlovski on Tuesday, January 25, 2022
Давид Темелков, со емотивна објава на социјалните мрежи се поздрави со него:
Драг Маестро...
Годините брзо поминаа и не успеав во живо да ти се заблагодарам! Ти благодарам што ми го одреди патот кој го чекорам, колку и да е трновит, си го сакам, мој е.. Ти го потврди талентот кој го носам, ти ме усмери. И кога бевме на раскрсница, ти се појави случајно да не исправиш. Ќе те носам во најубавите детски сеќавања, како и секое славејче кое за прв пат запело со тебе и поради тебе!
Царство Небеско наш МАЕСТРО!
Драг Маестро.. Годините брзо поминаа и не успеав во живо да ти се заблагодарам! Ти благодарам што ми го одреди патот кој...
Posted by David Temelkov on Tuesday, January 25, 2022
Погледнете повеќе фотографии што Игор ги споделувал со неговиот татко:
Б. С. Б. | Црнобело
Би можело да ве интересира:
Препорачуваме
Најчитани неделава
