Ивана Кнез: „Животот ни се претвори во нема парно, има корона, но мене лек ми е планинарскиот дом Караџица“

Детали

вторник, 18 јануари 2022

„Слушам коментари дека ме нема, ме снемало, трачеви со кого како зошто, таму сум била, онаму сум била. Не само за мене нели, животот ни се претвори во рекла казала. Едно од местата на кое реалноста се губи во магија во животот ми е планинарскиот дом Караџица...“, ја започнува својата емотивна објава македонската дизајнерка Ивана Кнез.

Дизајнерката Ивана Кнез е постојано активна на својот Инстаграм профил каде отворено говори на разни теми. Од борбата со килограмите до консумирањето на алкохол, таа секогаш е искрена, природна и своја.

Па, така и овојпат сподели дека ѝ е преку глава од секојдневните проблеми со кои се соочуваме и откри кое е нејзиното место за спас.

Таа ја доловува магијата на планинарскиот дом Караџица:

„Нема струја, нема парно, има корона, има нова корона, нема живот. Во моментов живееме во време на седостапност. Никогаш не владеел поголем мир, а никогаш не било волку немирно и несреќно. Веројатно и најмногу заради нашите минати избори, заради компромисот наречен преживување.

Слушам коментари дека ме нема, ме снемало, трачеви со кого како зошто, таму сум била, онаму сум била. Не само за мене нели, животот ни се претвори во рекла казала по социјално мерилно скалило.

Едно од местата на кое реалноста се губи во магија на комплетно непостоење и место каде има простор да се освестиш и вистински да уживаш во животот ми е планинарскиот дом Караџица кој се наоѓа на 14.5km од Солунска Глава на два часа возење од Скопје со теренско возило каде те пречекува еден поинаков вистински свет, со вистински луѓе, без лајкови и без притисокот кој сами си го наметнуваме.

За оние кои сакаат вистински да уживаат во тоа што моментов го преживуваме, топла препорака. Не очекувајте моет и сепариња, но затоа очекувајте го она со кое нормално се живее.

Ќе ве пречекаат со вкусна сезонска храна подготвена од нив, пијалак по желба, а ако претерате како што јас често го правам тоа, ќе си резервирате соба за преспивање со чиста постелнина.

Намасте прекрасници, еднаш е, животов се брои во денови кои се паметат, во вкусови, бои и мириси кои те носат во паралелни универзуми.“

Фотографии од Ивана Кнез од планинарскиот дом Караџица:

https://www.instagram.com/p/CY1Kvc5sxFh/

Прочитајте и „Дневно пиев по неколку пијачки што прераснаа во литри, јадев како за седум луѓе“ – Ивана Кнез со искрена исповед

С. С. | Црнобело