„Леле брлива“ - Сестрата на Игор Џамбазов со искрен коментар за напорниот тренинг на Илина Арсова (видео)
- Детали
- четврток, 16 декември 2021
Нашата најпозната планинарка Илина Арсова се врати од подвизите во Јужна Америка, а очигледно слободното време го користи за да се врати на подготовките за нови подвизи. Таа објави видео во кое се гледа како изгледаат нејзините подготовки.
Дел од нас воопшто и не можат да замислат да се креваат на мускули на вратило, но за партнерката на Игор Џамбазов, Илина Арсова тоа не е проблем и тоа со огромен тег закачен на половината.
Јасно е дека освојувањето на планинските врвови во светот подразбира голем број подготовки и вежби, како физички, така и ментални, а Илина периодов го користи за одржување на физичката кондиција.
„Повторно во теретана“ – напиша Илина до видеото.
Илина доби голем број позитивни коментари, а меѓу нив беше и сестрата на нејзиниот партнер Игор Џамбазов, Татјана Џамбазова која, меѓу другото, напиша:
„Леле брлива... Мора да ме ставиш на режим кога ќе дојдам. Прави план. За мене нема потреба од тој тегот...“
https://www.instagram.com/p/CXJal1XpLDw/
Илина Арсова е првата Македонка која успеала да ги искачи седумте највисоки врвови на седумте континенти. Во 2019-тата година, таа се искачи на врвот Винсон на Антарктик со што ја заврши мисијата „седум врвови“.
Дополнително, Илина во 2006-тата година го искачила Монблан, а во 2013-тата година стана првата жена од Македонија што го искачила Монт Еверест.
Минатото лето таа престојуваше во Еквадор, каде се искачи на врвот Ариста Санта Барбара (5.790m) и оттаму сподели видео на Инстаграм во кое нејзините следбеници можеа да видат како изгледа изгрејсонцето од овој врв во Еквадор.
Инаку, сестрата на Игор Џамбазов, Татјана живее во САД, а на својот Инстаграм профил деновиве објави фотографии со кои ја долови зимската идила таму.
https://www.instagram.com/p/CXg17FyvuOV/?utm_source=ig_web_copy_link
Прочитајте и Прегрнува лавови, патува по светот: Сестрата на Игор Џамбазов е авантурист со нескротлив дух (фото)
Б. С. Б. | Црнобело
Би можело да ве интересира:
Препорачуваме
Најчитани неделава
