Македонка, што живее на Алјаска, ги споделува најиритантните коментари: „На ќерка ти ѝ треба братче/сестриче, кога второ?“
- Детали
- вторник, 01 јуни 2021
Ангела Маслова, која живее на Алјаска, а потекнува од Охрид, има една ќеркичка и очигледно уморна од тоа сите да ја прашуваат кога ќе има второ дете, испрати моќна порака на својот Инстаграм профил.
Ангела Маслова е родена во Бароу, Алјаска, a потекнува од Охрид. Пред повеќе од 40 години нејзините родители во потрага по подобар живот, се преселиле во ова мало место кое уште и е наречено „врвот на светот“ бидејќи е најсеверната точка во Северна Америка.
На нејзиниот Инстаграм профил има повеќе од 6.000 следбеници со кои постојано споделува прекрасни фотки од патувањата со сопругот и ќеркичката и детали од нивниот семеен живот.
Овојпат таа испрати одлична порака до сите кои имаат навика да коментираат за туѓите одлуки околу тоа кога и колку деца треба да имаат:
„Потребно ѝ е братче/сестриче.
Не ли мислиш дека е време за второ? Можеби овој пат ќе добиеш момче.
Не сакаш да имаш толку голема разлика во години помеѓу двете деца.
Ако остане единствено дете, ќе ѝ недостига многу во животот да има брат/сестра.
Ќе стане разгалена, ако немаш уште деца.
Леле, мора да имаш уште едно дете! Мене ми е толку мило што се одлучив на тоа.
Ќе наздравам за тоа колку пати ги имам слушнато овие реченици. До сите што ги кажуваат морам да им порачам – престанете да кажувате вакви работи.
Не постои „совршена возраст“ за тоа кога да имате деца и не постои мастер план за тоа колку деца треба да имате.
Кога станува збор за моето семејство, нам ни е навистина добро вака. Комплетно уживаме во времето минато со нашата единствена ќерка.
На различни семејства им одговараат различни работи – тоа што е најважно е децата да растат со многу љубов. Останатото само ќе дојде на свое место.“
Повеќе фотки од прекрасното семејство на Ангела:
Прочитајте и Ангела Маслова, охриѓанка од Алјаска: во лето на 0ºC децата се по кратки ракави и имаме 24 часа сонце
С. С. | Црнобело
Би можело да ве интересира:
Препорачуваме
Најчитани неделава
