Емотивна исповед на Тајзи: „На 18 години имав страшна операција и бев на работ да го изгубам мојот живот“
- Детали
- вторник, 22 декември 2020
„Во тие моменти се молев на БОГА да не им го прави тоа на моите родители и да ми даде уште една шанса. После таа операција ништо не беше исто, а јас почнав да пеам и да пишувам…“, открива Тајзи во својата емотивна исповед.
фото: Инстаграм Tyzee
Драган Величковски Тајзи од Куманово веќе десет години функционира на македонската естрадна сцена.
Вчера (21.12) тој го прослави својот 33-ти роденден, најави дека 2021-ва година му е јубилејна затоа што крунисува 10 години функционирање на естрадата и напиша емотивна исповед на Инстаграм.
„Роден сум на 21.12 и денес полнам 33 години.
2021-ва година ми е јубилејна, 10 години активна музичка кариера, па би сакал да споделам нешто со вас. На 18 години имав страшна операција и бев на работ да го изгубам мојот живот. Во тие моменти се молев на БОГА да не им го прави тоа на моите родители и да ми даде уште една шанса. После таа операција ништо не беше исто, а јас почнав да пеам и да пишувам…
Не знам уште колку ќе сум тука, но додека моето срце чука ќе трае мојата борба за подобро утре, а после тоа ќе останат моите текстови!!!
ДОЛЖЕН сум да ви се обратам и да ви ја кажам ВИСТИНАТА.
Тоа е мојата МИСИЈА.
Спремам албум во кој ќе чуете сè што сакам да ви кажам.
Се надевам иако поминуваме низ многу тежок период за сите нас, дека ќе успеам да го реализирам во 2021.
„Твое е да ги натераш повторно да поверуваат во мене, во љубовта и во вистината, а јас ќе ти дадам светлост да го осветлиш и најтемното ќоше“.
МАКЕДОНИЈА раѓала многу СИНОВИ … Пејачи, уметници, спортисти и големи луѓе и ќе раѓа …
Такво е нашето СЕМЕ што повеќе го газиш надоле накај земјата р’ти и расне уште повисоко накај небото.
Ние не знаеме да мразиме зошто сме правени со љубов, а не од интерес. Ви благодарам за сите пораки и убави зборови ми ја расплакавте душата …
БОГ да ја благослови мојата земја и мојот народ
Ве сакам“
С. С. | Црнобело
Би можело да ве интересира:
Препорачуваме
Најчитани неделава
