Бизнис на интернет: Oнлајн простор за вашата компанија

Детали

петок, 01 ноември 2019

Многумина ќе речат „локацијата е најважна за успехот на еден бизнис“, но во модерниот свет, најдобрата локација е интернет. Последните години интернет од алатка за помош на претприемачите прерасна во неопходна платформа на која можат да се базираат бизнисите, како и нивните работни процеси.

Денес, отворањето на вратите на вашата компанија кон светот е полесно отколку кога било претходно, виртуелниот простор дозволува неограничен раст на пазарот, а „наемнината“ за виртуелните деловни канцеларии е значително пониска од онаа на најпрометните улици во градовите. Придобивките што ги нуди интернетот можат да направат едно претпријатие навистина да оствари предност во однос на конкуренцијата, посебно ако го одбере вистинското решение.

Да почнеме од просторот што секоја компанија треба да го поседува на интернет – персоналната веб-страница. Креирањето на веб-страниците стана толку едноставно, што сега можете да го направите самите од дома, без стручна помош. Но, најпрво мора да обезбедите простор за активирање на сопствена веб-страница. Еден од наједноставните начини да го направите тоа е преку услугата веб хостинг на Македонски Телеком, која не само што овозможува регистрација на mk домејн (пр. www.mojatakompanija.mk) , туку и десет персонализирани е-сандачиња на носечкиот домејн (пр. Оваа е-адреса е заштитена од спамботови. Треба да ви е овозможено JavaScript за да ја видите.), заеднички сервер (Shared Web Hosting) и 24/7 техничка поддршка од тимот на Телеком.

Брзата комуникација и поедноставувањето на процесите во работата се исклучително важни во модерното време. Колку помалку време и напор се вложува во одредени обврски – толку повеќе време останува за да се унапредат останатите аспекти од бизнисите. Услугите како Pantheon Cloud не само што ги намалуваат трошоците на работа, туку  ги опфаќаат сите деловни процеси: од нарачки и фактурирање, сметководство и плати, па сè до управување со производство и деловна аналитика. Од мали бизниси, до најголеми компании и јавни институции – е-сметководството е решение кое претставува еден од најбрзорастечките трендови во претприемачкото работење, а преку 50.000 корисници од регионот веќе го имаат имплементирано во секојдневните процеси.

Користењето на придобивките од интернет не е наменето само за купувачите заинтересирани за вашата компанијата, туку и за претприемачите, нивните вработени и бизнис-партнерите. Сите страни поврзани со бизнисот имаат корист од унапредувањето на техниките на работењето, а ниту една од нив не е поефективна од поставувањето на онлајн темелите на компанијата.