Безвременски дијаманти од Божиновски часовници и накит за безвременските 2Cellos

Детали

понеделник, 22 октомври 2018

Времето е категорија со која сите ние секојдневно се бориме барајќи начин секоја секунда да ја завртиме во наш прилог , но ретки се оние кои од секундите можат да создадат безвременски дела, овозможувајќи ни за момент да излеземе од рутината и да ги почувствуваме другите димензии.  Токму тоа најуспешно го прави светската сензација - 2Cellos, претворајќи ја секоја мелодија надградена со незаборавната енергија на фантастичните челисти во незаборавно уживање на сите сетила, оставајќи безвременски дела кои ќе остават трага кај многу генерации.

„Божиновски часовници и накит“ со огромно задоволство продолжува да ги одликува сите уметници и артисти кои го разбираат концептот на време и успеваат да ги сопрат секундите споделувајќи  безвременски моменти за паметење со нас и сите наши пријатели. “Симболично во знак на благодарност и со цел одбележување на прекрасната енергија споделена со македонската публика на познатото хрватско инструментално дуо им доделивме „БОЖИНОВСКИ“ дијаманти, во име на сите кои присуствуваа на незаборавниот концерт. На овој начин како компанија  продолжуваме да го одбележуваме секој значаен настан кој барем накратко ќе ни донесе шаренило во нашите животи и ќе не потсети дека времето е тука за да се победи, а моментот за да се зграби и да се живее.” – изјавија од Божиновски.

#ZivejGoMomentot