Реновирани Телеком продавниците во Прилеп и Струга

Детали

вторник, 17 ноември 2015

Продавниците нудат интерактивен продажен концепт со мултимедијално искуство за корисниците.

Од средината на летото, па се досега реновирани се 16 Телеком продавници.

Македонски Телеком денеска ја пушти во употреба реновираната продавница во Прилеп, којашто нуди атрактивен, модерен и пред сè пријатен амбиент за корисниците. Со реновирањето, Телеком продавницата во Прилеп доби сосем нов современ дизајн, а при уредувањето на внатрешноста е пренесен локалниот дух преку прикажување на историски моменти, објекти, личности или современи мотиви карактеристични за поднебјето, односно градот.

Освен во Прилеп, утре со почеток во 11 часот Македонски Телеком ќе ја отвори и реновираната продавница во Струга. Реновираните Телеком продавници во Прилеп и Струга овозможуваат одличен преглед на понудата и нудат нов продажен концепт со мултимедијално искуство за корисниците, коишто преку интерактивно истражување и забава ќе можат да се запознаат со комуникациските услуги и решенија на компанијата.

На денот на отворањето на реновираните продавници во Прилеп и Струга, Македонски Телеком подготви одлична промотивна понуда, при што секој корисник којшто ќе потпише нов или ќе го обнови својот претплатнички договор, има можност да купи таблет од брендот Самсунг и Тесла со попуст од неверојатни 60 отсто.

Со утрешното отворање на продавницата во Струга, Македонски Телеком го заокружува процесот на реновирање на салоните ширум државата којшто започна кон средината на летото. Од јули па се досега, реновирани се вкупно 16 продавници и со преуредувањето, освен што естетски се обезбедува нов изглед, интерактивниот концепт на Телеком продажните салони дополнително овозможуваат единствено корисничко искуство.