Трагедија во Кочани – избувнал пожар во дискотека, се утврдува бројот на жртви

Детали

недела, 16 март 2025

Синоќа по полноќ во дискотека во Кочани избувнал пожар во кој имало има жртви и повредени.

Според Основното јавно обвинителство, уште се утврдува бројот на жртви, а и засега нема информации за причината за пожарот.

„Сите надлежни служби, вклучително и јавен обвинител од Основното јавно обвинителство Кочани се на терен. Бројот на жртви и повредени во пожарот се утврдува.

Сè уште се преземаат дејствија и се врши увид“, пишува во соопштението на веб-сајтот на ОЈО.

Наводно, пожарот избувнал за време на концерт на ДНК.

На социјалните мрежи, семејствата на оние кои биле во дискотеката очајно споделуваат фотографии и бараат информации бидејќи уште не се знаело кои се меѓу настраданите.

Неофицијално, бројона жртви изнесува повеќе од 50. Претходно, Слободен печат откри дека бројот на жртви бил познат, но дека јавниот обвинител забранил да се споделуваат во јавност.

Спирова С. | Црнобело