Господин од скопските улици е позитива на денот: „Вака беше и дедо ми, секогаш среден и дотеран“

Детали

среда, 05 февруари 2025

„Леле, денот ми го разубави, вистински господин со стил и манири“, е само еден од бројните позитивни коментари за овој маж во совршено модно издание и со букет во рака. Вакви сцени во Скопје сакаме!

На македонскиот Инстаграм профилот за архитектура „MELEEM“ осамнаа прекрасни фотографии од еден господин, направени во Скопје.

Фотографиите се вистински мевлем и за очи и за душа.

Овој господин е во совршено модно издание во кафеави тонови и во раката носи прекрасен букет.

Дали го купил за некоја припадничка на понежниот пол или оди на некоја прослава, не знаеме, но чинот секако посочува на маж со манири и е позитива на денот.

Од „MELEEM“ во описот на фотките пишуваат како настанале фотографиите:

„Господине може да Ве сликам? Прекрасен сте!“

„Може, брзо, зелено да фатам...“

Под фотографиите на Инстаграм се нижат низа коментари со пофални зборови за него:

„Леле, денот ми го разубави, вистински господин со стил и манири“.

„Појак лик немам видено последниве денови, па и месеци“.

„Вака беше и дедо ми, секогаш беше бричен, потстрижан, со шапка, со машна, со крпче во џеб. Нон стоп беше дотеран. Џентлмен пред сè. Најубаво било нивното време кога биле млади. И мажи и жени средени, дотерани, намирисани, со култура во изразувањето. За жал, денешницава...“

„E, ова е врвен стил! Толку класично и елегантно!“

„Вака и дедо ми се носеше, секогаш стокмен со шешир и капут, никаде не излегуваше без нив. Прекрасен е човеков!“

„Џентлмен! Класа!“

Зрачи, зарем не?

С. С. | Црнобело