Пеце од Суперхикс: „Денес се навршуваат 17 години од смртта на мојот брат, ден подоцна загина и Тоше Проески“

Детали

вторник, 15 октомври 2024

„Е мој Тоше, џабе и ти ‘шушкаа молики’ и пееше за ‘руси коси’ и се прашуваше ‘што е тоа во луѓето..’ во држава која не го негува своето. Вечна слава и за брат ми и за Тоше!“, гласи дел од објавата на Пеце од Суперхикс, по повод споменот за починатиот брат и за Тоше.

Петар Младеновски, познат како Пеце од „Суперхикс“, објави трогателен статус на неговиот Фејсбук профил по повод 17 години од смртта на неговиот брат Димитар, која се случила само еден ден пред да загине Тоше Проески.

Toj сподели и заедничко ТВ гостување со Тоше во емисијата на Анета Кочишки.

Неговата објава гласи:

„Денес (15.10) се навршуваат 17 години од смртта на мојот брат Димитар Младеновски. Ден подоцна се случува и трагедијата во која загинува Тоше Проески.

Ова е еден од ретките видео документи, кој некако случајно го ископав по цели 20 години, и еве го на Јутјуб - едно од ретките заеднички наши гостувања со него.

Шоуто одеше на Канал 5, го водеше Анета Кочишки и се викаше ЧАО СКОПЈЕ.

Убави времиња, убави луѓе, убави спомени..

Вечна слава и за брат ми и за Тоше!

П.С. Е мој Тоше...зборуваме за тоа како требало да се одвојат поп од рок листите и тоа некако не одело заедно.

Во меѓувреме нѐ поплави ‘турбото’ а за тебе и нас по училиштава ретко кое дете знае.

Џабе и ти ‘шушкаа молики’ и пееше за ‘руси коси’ и се прашуваше ‘што е тоа во луѓето..’ и ‘ти си немир"’во држава која не го негува и се грижи за своето“.

Нивното заедничко гостување:

С. С. | Црнобело