Како нè воспитуваа родителите на Балканот – Хумористичните видеа на Стефан Николовски ќе ве вратат во детството
- Детали
- среда, 25 септември 2024
„Не ми плачи, не ти се дерам, со убаво ти кажувам да разбереш!“ - ви звучи познато?
Стефан Николовски е млад актер од Велес кој стана ѕвезда на Инстаграм со неговите скечеви инспирирани од нашето секојдневие.
Преку хумористичните видеа, Стефан на забавен начин ги прикажува „маките“ што ни се добро познати на сите Македонци, а некогаш исмејува и некои наши по малку лоши карактеристики.
Во краток серијал од три видеа, насловен „Балканска педагогија“, Стефан се шегува за „тортурата“ што сме ја трпеле скоро сите од нашите родители.
Првото видео е посветено на часовите по возење со татковците.
„Абе не ја гледаш ли дупката бе? Ќорав ли си? Не гледаш ли толкава дупка има ја погоди…
Не бе никогаш нема да научиш кола да возиш, нема џабе е…“, вели Стефан, меѓу другото, во видеото.
Кликнете на Инстаграм објавата за да го изгледате видеото:
Второто видео е инспирирано од стресните часови по математика со татковците.
„Ако пекарот испекол 10 леба, 3 леба купил комшијата, колку му останале на пекарот?
Тебе те прашувам! Не ми плачи, не ти се дерам, со убаво ти кажувам да разбереш…“
Кликнете на Инстаграм објавата за да го изгледате видеото:
И третото видео е инспирирано од час со татковците, овој пат по пливање.
„Шо праиш бе со тоа гумата? Абе вади тоа гумата и мускулите.
Тргај ваму, дојди ваму… Ајде пливај, не ми плачи. Пливај ајде…“
Кликнете на Инстаграм објавата за да го изгледате видеото:
Од коментарите на видеата, е јасно дека сите се пронаоѓаат во видеата и имале исто или слично искуство.
„Трауми од детство“.
„Не ти се дерам со убаво ти кажувам… ах, сеќавања“.
„Познато ми е ’врска немаш‘ и ’никогаш нема да научиш‘“.
Дали и вие се пронајдовте во видеата на Стефан?
Спирова С. | Црнобело
Би можело да ве интересира:
Препорачуваме
Најчитани неделава
