Се слави празникот „Мала Богородица“ – Во Скопје донесена чудотворна икона од Хиландар

Детали

сабота, 21 септември 2024

Во Скопје ќе биде донесена света чудотворна икона од Хиландар, а во храмовите ќе се одржи света литургија. Православните христијани денес го слават празникот „Рождество на Пресвета Богородица“.

На 21-ви септември секоја година православните христијани го слават празникот посветен на раѓањето на пресвета Богородица, познат и како Рождество на пресвета Богородица.

Мајката на Исус Христос, Марија е позната и како Светата Мајка, Блажена Марија, Дева Марија, Богородица, а денешниот празник, кој се слави околу 1 месец по празникот по повод нејзиното упокојување, се нарекува уште и Мала Богородица.

Пресвета Дева Марија се родила од своите стари родители Јоаким и Ана, кои веќе биле остарени, а немале деца.

Тие му се молеле на Бога со плач да им подари едно чеда, па така Бог им ја подарил ќерката и Божјата Мајка.

Марија, попозната како Богородица била родена во Назарет, а 3 години подоцна била одведена во храмот јерусалемски, од каде што пак се вратила во родното место и таму jа слушнала благовеста на Светиот Архангел Гавриил за раѓањето на Синот Божји од нејзиното девствено тело.

На денешен ден се слави нејзиното раѓање, а овој празник има големо значење за христијаните.

Се верува дека Богородица е заштитничка на мајките и воопшто на леунките, а нејзе треба да ѝ се помолат и жените што наскоро треба да се породат за да имаат полесно породување.

Исто така, се верува дека таа им помага и на жените што се борат за потомство, па затоа на денешен ден, тие носеле дарови во црква и се молеле пред нејзината икона.

Пресвета Богородица се смета за заштитничка на Скопје, а во чест на празникот Рождество на Пресвета Богородица била изградена во некогашното Пајко Мало.

Црквата прво била изградена уште во 1204-та година и постоела сè до 1688-ма година кога била срушена од Отоманите.

Оваа црква повторно била изградена во 1835-та година, но повторно била запалена за време на Втората светска војна во 1944-та година, а целосно била срушена за време на скопскиот земјотрес во 1963-та година.

Врз истите темели црквата повторно беше изградена во 2008-ма година.

Годинава, по повод големиот верски празник, во Скопје од Хиландар е донесена иконата Пресвета Богородица – „Троеручица“, а ќе се отслужи и света архијерејска Литургија.

Инаку, за позната икона се вели дека е чудотворна и се смета дека е стара најмалку 1.400 години.

Се верува дека Јован Дамаскин кој бил наклеветен за свето писание, па му била отсечена раката, цела ноќ се молел пред иконата на Богородица таа да му ја исцелува раката.

Откако Богородица му ја исполнила молитвата, тој на левата страна на иконата дал да се направи рака од сребро и ја споил на иконата. Оттогаш иконата го добила името „Трирачица“.

Исто така, се смета дека кога иконата била дадена во црквата Свети Димитрија во Солун, човек кој бил роден слеп, прогледал во 33-та година од животот.

Б. С. Б. | Црнобело