Тамара пее, Миа и Катарина разиграни: Луда забава во Скопје со основачот на хаус музиката

Детали

четврток, 22 август 2024

Вечерта доживеа кулминација кога Тамара застана на подиумот покрај популарниот светски диџеј, па испеа рефрени од неколку хитови, меѓу кои и Ain’t Nobody, Deeper Love, Music...

Вчеравечер (21.08) во скопски локал се случуваше една од најдобрите забави ова лето, а за неа се погрижи Joe Claussel, еден од основачите на хаус музиката од Бруклин.

Неговото име беше доволно на едно место да се соберат многу љубители на оваа музика, но и познати македонски личности.

Па така, на забавата се дружеа Тамара Тодевска, Катарина Ивановска, Миа Костова, Ана Стојановска.

Тие цела вечер танцуваа и уживаа во одличната музика на популарниот диџеј, а споделија и по некое видео на своите Инстаграм Сторис.

Сепак, вечерта доживеа кулминација кога Тамара застана на подиумот покрај популарниот диџеј, па за своја душа, но и за мерак на бројните гости, ја дополни забавата и испеа рефрени од неколку светски хитови, меѓу кои и Ain’t Nobody, Deeper Love, Music...

Интересно е што Катарина, по забавата сподели ретро фотографија, на која е со Тамара и Слободанка Тренчева - Боте, промотор на електронската/клупска сцена кај нас, а трите девојки се во друштво на познатиот хаус диџеј кој имаше свој сет синоќа во Скопје.

Погледнете повеќе фотографии од вчерашната забава:

А. Ј. | Црнобело