„Кога бев мал мислев дека татко ми е супермен“ – Тони Михајловски прослави 57-ми роденден, синот го изненади
- Детали
- вторник, 02 јули 2024
Синот, внукот и снаата на Тони Михајловски му приредија изненадување за 57-иот роденден. Со торта и запалени свеќички, тие заѕвонија на неговата врата и му пееја песна за среќен роденден, а син му Александар упати и емотивна порака до него на социјалните мрежи.
Нашиот актер Тони Михајловски на 30-ти јуни годинава го прослави својот 57-ми роденден, а како што може да се види од објавите на социјалните мрежи, тој го поминал важниот ден во кругот на најблиските и со семејството, кои му приредиле пријатно изненадување.
Неговиот син, Александар кој исто така тргна по стапките на Тони и во моментов гради успешна актерка кариера, на Инстаграм Стори објави кратко видео на кое покажа како го прославиле роденденот на татко му.
Александар во домот на Тони дошол заедно со неговиот син, и со торта во раце и запалени свеќички (со број 57), заѕвониле во домот на неговиот татко и му пееле Happy birthday, додека Тони се шегувал со нив:
„Со 57-ица дојдовте?“
Освен ова кратко видео, Александар објави и една нивна заедничка фотка, до која ги сподели зборовите на стенд-ап комичарот Дејв Ател, па напиша:
„Кога си мал, мислиш дека татко ти е Супермен. Потоа растеш и сфаќаш дека тој е обичен човек што носи наметка. Среќен роденден стари, те сакам безусловно“.
За потсетување, освен Александар кој веќе се оствари во улогата на сопруг и татко, Тони Михајловски има и помал син Максим.
Б. С. Б. | Црнобело
Би можело да ве интересира:
Препорачуваме
Најчитани неделава
