Гори Универзална сала во Скопје (фото+видео)

Детали

вторник, 09 април 2024

Утрово изби пожар во Универзална сала во Скопје која се реконструира. Црн чад и голем оган се шират низ објектот.

Огромни пламени јазици ја зафатија Универзалната сала во центарот на Скопје. Екипи на противпожарната бригада се на терен и се обидуваат да ја стават ситуацијата под контрола.

Но, не можат да пристапат до салата порaди бројните паркирани автомобили на околните улички.

Пајак-службите ги растргнуваа автомобилите, за да се ослободи простор и да се пристапи кон гаснење на пожарот.

На терен има и полиција која го пренасочува сообраќајот.

Градоначалникот на општина Центар, Горан Герасимовски веднаш излезе на терен по информациите за избувнувањето на пожарот.

„Пожар избувна во Универзална Сала при што веднаш се упатив на терен.

Во моментов екипите на противпожарната бригада го гаснат и пожарот е локализиран.

Не постои опасност по другите објекти во близината.

Според првичните информации немало никој во зградата.

Апелирам граѓаните да го избегнуваат овој дел од градот додека трае интервенцијата. Исто така апелирам да не се шират шпекулации додека да се добијат официјални информации што е причината за пожарот“ - пишува Герасимовски во официјалното соопштение до медиумите.

https://www.facebook.com/dejanjaz74/posts/pfbid02YRBLuAEXpfMLfntkTyoaF8bVy8xXXgwbRTyB3TX4jw5vPaF34Ju3Bf6iH6YXEXSul

Гори #универзална pic.twitter.com/V0UQWhGBs4

— Daniel (@delicon) April 9, 2024

фото: CRNOBELO.com