Калиопи и мајка ѝ уживаат на Водно: „Животот е многу повреден со тебе“ (видео)
- Детали
- среда, 03 април 2024
„Април е поубав со тебе мамо, а животот е многу повреден! Те сакам!“, напиша Калиопи на Инстаграм и сподели неколку среќни моменти со својата мајка.
Поп-дивата Калиопи е постојано активна на социјалните мрежи, но многу ретко споделува семејни фотографии и видеа.
Токму затоа со новото видео на Инстаграм ги разнежи нејзините следбеници.
Калиопи ужива на Водно со својата мајка, ја бакнува, прегрнува, се смеат и уживаат во сончевиот ден и моментите поминати заедно.
„Април е поубав со тебе мамо, а животот е многу повреден! Те сакам!“, напиша Калиопи.
Таа видеото го дополни со песната „Знам“, која во 2023 ја испеа со Жељко Самарџиќ.
Токму Жељко беше еден од оние кои ѝ оставија коментар на Инстаграм.
„Среќи мили“, напиша тој, а Калиопи му одговори дека го сакаат.
Ова е една од малкуте објави што пејачката ги има со своето семејство.
Таа во времето на короната сподели неколку фотографии со сестра си и мајка ѝ.
Во 2022-ра Калиопи објави и фотографија со татко ѝ, но за да се прости од него, откако тој почина.
Инаку, пејачката изминатиот период ги сними песните за новиот албум и преку Инстаграм најави дека наскоро ќе го промовира пред својата публика.
Погледнете го видеото:
А. Ј. | Црнобело
Би можело да ве интересира:
Препорачуваме
Најчитани неделава
