Антониа Гиговска објави свадбена фотосесија – позира со бидермаер на шанк, блеска од среќа покрај Роберт

Детали

среда, 13 март 2024

Антониа Гиговска сподели неколку интимни моменти од свадбата со Роберт Спасенцовски, па покажа како се дотерувала за свадбата, детали од венчаницата, но и најубавите фотки од нивниот прв танц.

Откако на 10 март (недела) Антониа Гиговска и Роберт Спасенцовски се венчаа во црква и направија голема свадба, пејачката сега ги објави првите oфицијални фотографии на својот профил на Инстаграм.

Антониа на фотките не остави никаков коментар, туку ги опиша со емотикон на невеста и младоженец.

На фотографиите се забележани моментите од подготовките за свадбата со нејзиниот пријател и долгогодишен соработник, Даниел Николовски, преку фотосесијата направена во ходник на кој самата лежи на подот, но и се движи низ холот додека со Роберт се држат за раце.

Во свадбената фотосесија таа позира на шанк со бидермаерот, а има и фотки од нивниот прв свадбен танц каде делуваат пресреќни и заљубени.

За потсетување, Антониа и Роберт се венчаа лани во април, а годинава направија црковна венчавка и голема веселба со многу пријатели, но и колеги музичари.

За свадбата невестата носеше два фустана кои ги дизајнираше Моника Коцарева, додека младоженецот избра бордо костум во комбинација со бела маичка и патики.

И Антониа во текот на вечерта салонките на високи потпетици ги замени со патики.

Свадбата беше во познат скопски ресторан, каде што целиот ентериер беше украсен во црвено и златно, а и невестата имаше бидермаер од црвени рози.

Во ист стил беше и тортата на три ката, која, исто така беше украсена со црвени рози.

Повеќе фотографии на следната страница...