Каде се и како изгледаат денес учесниците на првиот „Македонски идол?“

Детали

четврток, 01 февруари 2024

Некои од учесниците во шоуто денес имаат успешна музичка кариера, некои ја сменија професијата, а некои целосно се повлекоа од естрадниот живот. Каде се денес учесниците на првиот „Македонски идол“?

Верувале или не, поминаа 14 години од емитувањето на првиот „Македонски идол“, кој за многу од учесниците беше одлична отскочна штица за понатамошна музичка кариера.

Шоуто започна да се емитува летото во 2010 година, а жирито беше составено од Игор Џамбазов, Тони Михајловски и Калиопи.

Ова беше едно најгледаните музички шоуа кај нас во тоа време, а учесниците веднаш се стекнаа со голема популарност.

Некои од настапите во шоуто и денес имаат огромна гледаност на Јутјуб.

Што прават денес и како изгледаат дел од натпреварувачите?

Иван Раденов

Победникот на ова шоу, гевгеличанецот Иван Раденов, денес живее и работи во Белград.

Според она што може да се види на неговите социјални мрежи, тој и понатаму е музички активен и редовно има настапи во белградските клубови.

Освен на музиката, Иван е посветен и на бодибилдингот и е во топ-форма.

Виктор Апостоловски

Момчето кое танцуваше и изгледаше како Џастин Тимберлејк беше симпатија на сите девојчиња.

Битолчанецот Виктор Апостоловски беше еден од фаворитите во шоуто и заврши во првите четири.

Тој и понатаму е активен на македонската музичка сцена, а веќе некое време и на ТикТок.

Минатата година Виктор заплови и во брачните води со својата избраничка Милена Доневска.

Јана Бурческа

Јана исто така беше еден од фаворитите и го освои петтото место во шоуто.

Таа ја претставуваше Македонија на Евровизија во 2017 година, која се одржа во Киев.

Нејзиното момче Александар одлучи да ја запроси токму по нејзиниот настап, нешто што за првпат се случило на Евровизија.

Освен како пејачка, одлично се покажа и како водителка.

Приватно е сопруга и мајка на Дона и Дарин.

Билјана Ѓошева

Младата и шармантната Билјана беше една и од најзгодните учеснички на „Македонски идол“.

Билјана ја продолжи својата кариера со „Тумабо салса бенд“, групата на Петар Ренџов која изведува кубанска музика.

Долги години таа беше дел од оваа група и заедно имаа многу успешни настапи и концерти.

За време на пандемијата, Билјана одлучи да настапува и како уличен артист на плоштадот „Македонија“ во Скопје.

Продолжува на следната страница