Хумани луѓе, успешни трансплантации: Убави моменти во Македонија по кои ќе ја помниме 2023-та

По катастрофалниот земјотрес во Турција, многу луѓе ја покажаа нивната хуманост, вклучувајќи го и скопјанецот Фитим Бела, како и неколку продавачи на Бит пазар. Фитим откри дека сакал да купе облека за да донира за дечињата во Турција, а кога продавачите сфатиле за што му е облеката, почнале да пакуваат капи, шалови и ракавици од нивната тезга за да ги донираат.

Во Македонија има многу генијалци. Покрај Македон, овде е и Даниел од Штип кој на 15-годишна возраст освои бронзен медал на натпревар по природни науки во Колумбија.

Софија од Прилеп, пак, на само 11 години беше прогласена за најдобар есеист на англиски јазик во светот.

Во јули во Скопје, со органите од еден донор беа спасени дури четири човечки животи.

Михајло е хуман скопјанец кој по пет дена неуморно работење, успеа да спаси кученце кое влегло во воздушна инсталација.

10-годишно момче од Куманово добри дрес од голманот на македонската репрезентација – Столе Димитриевски. Голманот му го подари дресот на натпреварот помеѓу Македонија и Англија кој се одржа на 20-ти ноември.

Во болница во Штип се породи 60-годишна жена по успешно спроведена ин витро процедура. Од болницата открија дека ова е највозрасната жена на нашите простори која има родено здраво дете.

Спирова С. | Црнобело