„Среќен втор роденден мој мал принц“ - Симона Поповска му го прослави роденденот на поголемиот син

Детали

четврток, 27 април 2023

„Среќен втор роденден на мојот мал принц! Тешко ми е да поверувам колку брзо времето летна. Се чувствувам како да беше вчера кога те држев во раце за првпат...“, гласи дел од емотивната објава на Симона Поповска (31) за својот поголем син Никола.

Симона Поповска (31) го прослави 2-иот роденден на поголемиот син Никола со тематска забава со ликовите на Дизни и многу жолти и црвени балони.

Таа го има и синот Стефан, кој се роди на 17-ти август 2022 година.

Симона сподели мигови од роденденската забава на Никола на Инстаграм Стори, но пред тоа објави неколку фотографии, од кои едната направена со Никола во болница веднаш по раѓањето.

Симона му посвети емотивна објава на својот наследник:

„Среќен втор роденден на мојот мал принц! Тешко ми е да поверувам колку брзо времето летна. Се чувствувам како да беше вчера кога те држев во раце за првпат.

Денес, ти си љубопитно и авантуристичко дете, кое сака да го истражува светот околу себе.

Секој ден е нова авантура и привилегија е да те гледам како растеш и учиш.

Додека го славиме твојот специјален ден, ајде да ги цениме сите прекрасни моменти, кои ги споделивме како семејство.

Од прегрнувањето со приказни за добра ноќ до играњето игри заедно. Овие моменти ќе останат со нас за цел живот. Ти си уникатен и посебен и те сакаме повеќе од што зборовите можат да искажат.

Биди исполнет со љубов, среќа и многу торта“.

С. С. | Црнобело