Северина на Малдиви со мажот кого Игор Којиќ го обвини за нивниот развод: „Тој и синот ми се најдраги“
- Детали
- вторник, 21 февруари 2023
Сите мажи си заминуваат од животот на Северина, но не и нејзиниот менаџер Томица Петровиќ. Пејачката заедно со него и со синот Александар отпатува на Малдиви, каде заедно ги прославија родендените. Зошто Игор Којиќ го обвини Томица за разводот?
Хрватската пејачка Северина, вчера (20.02) го прослави роденденот на синот Александар кого го доби од врската со српскиот бизнисмен Милан Поповиќ. Таа објави емотивно видео со кое му го честита 11-тиот роденден.
Истиот ден роденденот го прослави и нејзиниот долгогодишен менаџер Томица Петровиќ, а Северина, по тој повод одлучи тие тројца заедно да заминат на егзотично патување на Малдиви, од каде сподели кратко видео на кое се гледа како за време на ручекот во ресторанот персоналот им пее песна за среќен роденден.
„Среќен роденден на моите најдраги мажи“ – напиша Северина до објавата.
View this post on Instagram
Поранешниот сопруг на Северина, Игор Којиќ минатата година даде интервју и за првпат прозборе за разводот, па јавно го обвини блискиот соработник на пејачката за проблемите во нивниот брак.
Игор не го обвини таткото на Александар, Милан Поповиќ, туку според него, главен виновник е Томица.
„Не ни го отежнуваше животот толку Милан, колку што константните сугестии на најблискиот соработник на Северина околу целата ситуација со Александар.
Тој е и причина за лошиот однос на Северина со сестра ѝ Зденка, а неодамнешниот прекин на соработката сестра ѝ го славеше со шампањ. Се надевам дека Северина еден ден комплетно ќе се оттргне од неговите канџи и ќе ги слави вистинските вредности“ – рече тогаш Игор.
Инаку, додека беше во брак со Игор Којиќ, Северина ја прекина соработката со Томица, но набрзо по разводот повторно се помирија и објави фотографија на која танцуваат заедно, до која напиша:
„Хани, јас сум решен вечно со тебе да танцувам“.
За Томица велат дека тој буквално бдее над Северина, нема приватен живот и целосно ѝ е посветен. Тој ѝ ја отвора вратата од автомобилот и ѝ носи чадор кога врне, знае кога пејачката е уморна, а кога сака да се забавува до зори.
Прочитајте и Заедно се 22 години, трча по неа со ќебе кога ѝ студи – Кој е соработникот на Северина, кого Игор Којиќ го обвини за распадот на бракот? (фото)
Б. С. Б. | Црнобело
Би можело да ве интересира:
