Бака Прасе не ги крие своите емоции за девојката: „Знам дека со неа ќе го поминам целиот живот“

Детали

сабота, 18 февруари 2023

„Знам дека таа е вистинската. Јас се помирив со тоа“ – рече Бака Прасе за својата девојка, инфлуенсерката Ања Бла. Таа објави нови фотографии во одговор на неговите емотивни зборови што масовно се споделуваат на социјалните мрежи.

Најпознатиот српски јутјубер Богдан Илиќ, попознат како Бака Прасе неодамна изјави дека е сигурен оти со неговата девојка Ања Бла ќе го помине целиот живот. Емотивните зборови што тој ги упати до неа, брзо се проширија на социјалните мрежи.

Откако минатата година раскинаа и беа разделени околу 1 година, Бака Прасе и Ања Бла на почетокот на 2023-та година одлучија да ѝ дадат нова шанса на врската, а неодамна нему му беше поставено прашање за тоа кога планира да се ожени со неа.

„Ма знам брате дека таа е вистинската. Јас се помирив со тоа, знам дека со неа ќе го поминам остатокот од својот живот, тоа мене ми е јасно и драго ми е заради тоа“ – рече јутјуберот во емотивната видео снимка што се најде на ТикТок.

@ticulicadzouuns ona sija bre covece #bakaprase #bakapraseflex #anjablaa #balkan #fypシ #foryou #viral ♬ kao kokain - ????????™

По овие емотивни зборови, Ања одлучи да му одговори така што објави две нивни заеднички фотографии на Инстаграм до кои напиша: „Љубов“.

За потсетување, во јануари годинава Бака Прасе приреди романтична вечера и со прстен од 6.900 евра ѝ предложи на Ања да се смират. Како што рече тогаш, тој прстен е знак на неговата посветеност и откри дека се надева оти еден ден ќе имаат пет деца заедно.

Б. С. Б. | Црнобело