„Семејството е најголема среќа“ - Прва фотографија од третото дете на Никола Роквиќ и Бојана Баровиќ

Детали

петок, 27 јануари 2023

„Мислам дека откако го добив првото дете сфатив дека сè друго може, но и не мора да биде. Ова е нешто примарно, нешто што има вистинска вредност“, вели пејачот Никола Роквиќ, кој сега доби трето дете - објави фотографија од новородената ќерка Ангелина со саканата Бојана.

Пејачот Никола Роквиќ и неговата сопруга, манекенката Бојана Баровиќ добија трето дете, покрај синот Симеон и ќерката Леонора, сега ја имаат и ќерката Ангелина.

Бојана сподели прва фотографија од ќеркичката.

Пред тоа со спектакуларна забава го открија полот на бебето, а Никола изјави дека во животот му е најважно да има здраво и сложно семејство.

„Тоа е најголемата радост и најголема среќа која човек може да ја спознае. Мислам дека откако го добив првото дете сфатив дека сè друго може, но и не мора да биде. Ова е нешто примарно, нешто што има вистинска вредност.

Едноставно тоа е љубов без никакви компромиси, без никакви барања, едноставно семејството е темел на сè“, изјави Никола.

Повеќе фотографии од семејството:

С. С. | Црнобело